Bashunga A. uherutse gusinyira Mukura yagaragaye ku rutonde rw’abakinnyi ba Rayon

Umunyezamu w’ikipe y’igihugu ‘Amavubi’ Bashunga Abouba wasinyiye Mukura amasezerano y’umwaka mu kwezi gushize yerekeje muri Rayon Sports.

Bashunga yasinye umwaka umwe muri Mukura

Bashunga Abouba yasinyiye Mukura Victory Sport tariki ya 8 Nzeri 2020, nyuma yo kumara iminsi avuye muri Zambia, icyo gihe yavugaga ko ubuzima butari bumeze neza bitewe n’ibibazo by’ubukungu byari muri iriya kipe byatewe na COVID-19.

Uyu munyezamu ujya uhamagarwa mu ikipe y’igihugu Amavubi, yagaragaye ku rutonde rw’abakinnyi 24 ba Rayon Sports

Ni urutonde rwatangajwe n’iyi kipe yarunyujije kuri Twitter igaragaza abakinnyi b’iyi kipe kugeza ubu.

Bashumba wagaragaye mu bakinnyi ba Rayon Sports, mu minsi ishize yumvikanye mu itangazamakuru avuga ko nubwo yasinye muri Mukura atazayitindamo.

Ati “Muri Mukura nahuye n’ubuyobozi bwayo twaraganiriye twumvikana ko nabasinyira amasezerano y’umwaka umwe ushobora kongerwa. Impamvu nasinye umwaka umwe ni uko numva nshaka gusubira hanze, umukinnyi wakinnye hanze buri gihe aba afite inzozi zo gusubirayo.”

Bashunga waba ugarutse muri Rayon Sports ku nshuro ya kabiri nyuma y’uko mu 2018, yagarutse muri Rayon kugira ngo ayifashe mu mikino Nyafurika, bagera muri 1/4 cya CAF Confederation Cup.

Bashunga Abouba yakuriye mu ishuri ry’umupira w’amaguru rya APR FC, akinira Marines FC na Gicumbi FC mbere yo kwerekeza muri Rayon Sports yamazemo imyaka ibiri nyuma yerekeza muri Kenya muri Bandari FC yamazemo umwaka, agaruka muri Rayon mbere y’uko yerekeza muri Zambia mu ikipe ya Buidcon FC.

381 total views, 2 views today

Facebook Comments
Share Button

auto ads

Recommended For You

About the Author: Dev Manager

Leave a Reply

Your email address will not be published. Required fields are marked *