Byukusenge yashimuswe na CMI muri Uganda

Umunyarwandakazi Jeniffer Byukusenge wari umunyeshuri muri Mount Kenya University, yashimuwe n’urwego rushinzwe ubutasi mu gisirikare cya Uganda, CMI.

Amakuru avuga ko Byukusenge yashimuswe kuwa mbere tariki 5 Mata 2021, ajyanwa mu buroko ku biro bikuru bya CMI biherereye i Mbuya.

Uyu mukobwa yari yagiye muri Uganda kubwira mama we iby’ubukwe yiteguraga ndetse ngo banategure uko buzagenda. Yagiye muri Uganda tariki 3 Mata agenda mu ndege ya RwandAir.

Bivugwa ko ubwo yashimutwaga yambitswe ibitambaro ku maso ku buryo yagiye atareba.

Umubyeyi wa Byukusenge, Mariam Mukamusoni yatangaje ko abakozi ba CMI bamugarukanye tariki 7 Mata bamwambitse amapingu, baje gusaka.

Yagize ati “Bamuzanye bamwambitse amapingu nk’umunyabyaha, hashize iminsi ibiri bamushimuse. Bamuzanye mu rugo baje gusaka.”

Mukamusoni yavuze ko umukobwa we yamubwiye ko yatotejwe bikabije. Mu gusaka, batwaye inyandiko ze z’inzira bamusubiza ku biro bya CMI i Mbuya.

Byukusenge bivugwa ko atwite inda y’amezi atatu, yabwiye umubyeyi we ko yakubiswe bikabije ubwo yabazwaga n’abakozi ba CMI, bamubaza ngo icyo yagiye gukora muri Uganda.

Umuryango wa Byukusenge wamenyesheje Ambasade y’u Rwanda muri Uganda agahinda bafite nyuma y’uko umwana wabo ashimuswe. Ambasade nayo yahise imenyesha Minisiteri y’Ububanyi n’Amahanga ya Uganda isaba ibisobanuro.

Gushimuta no gutoteza abanyarwanda b’inzirakarengane bimaze kuba ingeso ku nzego z’umutekano za Uganda guhera mu 2017. Amasezerano ya Luanda yasinywe mu 2019 agamije gukemura ubwumvikane buke hagati ya Uganda n’u Rwanda ntabwo yigeze yubahirizwa kuko nyuma y’aho abanyarwanda bakomeje gufatwa bagatotezwa nta mpamvu, bamwe bagapfa abandi bakajugunywa ku mupaka ari intere.

U Rwanda rushinja icyo gihugu gukorana no guha rugari imitwe igamije kuruhungabanyiriza umutekano, bihabanye n’amasezerano mpuzamahanga. Abenshi mu bagiye bafatwa bakarekurwa, bavuze ko ahanini batotezwaga bazira ko banze kwifatanya n’imitwe ishaka guhungabanya umutekano w’u Rwanda.

Byukusenge amaze icyumweru kirenga mu maboko ya CMI atotezwa

509 total views, 2 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published. Required fields are marked *