Covid-19: Uganda utubari n’ibitaramo byongerewe iminsi yo gufunga

Mu gihugu cya Uganda nyuma y’imyaka ibiri ibitaramo, Utubari , Utubyiniro ndetse n’ibindi birori bifunzwe kubera icyorezo cya Covid-19 guverinoma yongeye gufata icyemezo cyo kongera amezi yo gukomeza kubifunga.

Ibi byatangajwe na Perezida Museveni mu kiganiro yatanze kuwa gatatu w’icyumweru gishize avuga ku bijyanye n’uko icyorezo cya Coronavirus gihagaze muri Uganda.

Museveni yavuze ko ahantu hose muri Uganda hahurira abantu benshi hakomeza gufungwa kubera ko bikomeje kugaragara ko bigoranye kuhagenzura ‘Icyakora, Perezida Museveni yavuze ko ibyo bizasuzumwa kugira ngo hafungurwe.’

Perezida Museveni yavuze ko utubari dufatwa nk’ahantu hashobora kwibasirwa ndetse no gukwirakwiza icyorezo cya Covid-19 kubera ko aho abantu benshi bahuriye nko mu tubari abantu banywa badashishoza byatuma batubahiriza amabwiriza yo kwirinda icyo cyorezo.

Yavuze kandi ko byabaye ngombwa ko bongeraho andi mezi utubari n’ibitaramo ni bindi bintu bihuza abantu benshi byakomeza gufungwa kugeza bamaze kureba uko itangwa ry’inkingo rigenda.

Nubwo kuva muri Werurwe 2020 icyorezo cya Covid -19 kikigera muri icyo gihugu ibitaramo ,utubari ndetse n’utubyiniro byahise bifungwa kugeza ubu ariko hakaba hari ibindi bikorwa bifitiye igihugu akamaro byadohorewe byo bikaba birimo gukora kugirango ubukungu bw’igihugu budakomeza kuzahara.

253 total views, 3 views today

Facebook Comments
Share Button

Subscribe now

k

auto ads

Recommended For You

About the Author: Kigalihit

Leave a Reply

Your email address will not be published. Required fields are marked *