Dore ingeso abenshi mu bahanzi nyarwanda bubatse bahuriyeho bifatwa nk’aho yaba ari amahame bahabwa na Satani

Uko imyaka yicuma niko abenshi mu bahanzi n’abafite aho bahurira n’imyidagaduro nyarwanda basezerera ubuseribateri bakabyara bakororoka,igitangaje ariko abenshi bahuriye ku ngeso yo gutugururira ubagannye atabateguje bamwe bahuza no kuba yaba ari amahame bahabwa na Satani.

Related image

Bruce Melody

 

Si umuco mushya ku bahanzi nyarwanda bamaze kubaka ingo,mu kiganiro Kigalihit.rw twagiranye na benshi mu bakunzi bamuzika bamwe ndetse babana bya hafi n’abahanzi nyarwanda bakuranye basangira akabisi n’agahiye.

Aba twaganiriye bemeza ko ngo mbere yo gushaka usanga baba bisanzuranaho ariko nyuma yo gushaka ntube wahinguka iwe utabanje ku muteguza ngo hari n’ubwo ujyayo bakakubwira ko adahari kandi mwari mumaze kuvugana.

Uretse aba bakunzi ba muzika,hari umutangabuhamya usanzwe ategura ibitaramo waganiriye na Kigalihit.rw ahamya ko yigeze ashaka guha umwe mu bahanzi akazi ko kuririmba amuhamagaye yumva telephone ntiriho abajije uwo bakunda kugendana amubwira ko ari mu rugo iwe I Kanombe ngo yihutiye kugerayo ahageze umukozi amubwira ko adahari kandi yumva amajwi mu nzu.

Ati:”Ni koko n’ingeso bahuriyeho ndetse umuntu ashobora gukekeranya ko ari amahame ahabwa n’abakozi ba Satani.Si ukubeshya nigeze nshaka kumuha akazi ka miliyoni ndamubura ngezeyo numva avugira mu nzu ntangazwa n’uko bambwiye ko adahari birangira umukozi ansabye gutaha bwangu”

Ku ruhande rw’itangazamakuru,abakora mu myidagaduro bemeza ko abahanzi bubatse badakunda ko wamusura mu rugo n’iyo ugerageje ku musura ngo muganire ku iterambere ry’urugo rwe, akwakirira hafi y’urugo ntujye iwe cyangwa akagusaba kugusanga aho uri.

Ku ruhande rw’abahanzi bemera iyi ngeso ariko bagahakana ko ntakindi kibibatera uretse kubaha ingo zabo no kwirinda akajagari.

Bruce Melody yagize ati:”Nikoko ni umuco hafi ya twese tumaze kubaka ingo duhuriyeho.Nifatiyeho urugero ntanarimwe nifuza kubona abantu baje iwanjye batanteguje kandi mbere nibura y’icyumweru ,iyo uje utanteguje sinkugururira ndetse mbasaba kukubwira ko ntahari.Ibi si ubugome cyangwa kwiremereza mbikora ahanini mparanira inyungu no guca akajagari mu muryango wanjye.”

Image result for Amag The black

Amag The Black nawe ashimangira aya mahame ndetse akemeza ko yaba Rider man,Jay Polly n’abandi bafite aho bahurira n’imyidagaduro mu Rwanda babihuriyeho.Ati:”Uziko ntajya Bruce Melody mutunguye ngo anyemerere! Yemeza ko we munsi y’urugo ahafite igiti yakiriramo abantu baje batunguranye.”

N’ubwo abahanzi bemeza ko babiterwa no kubaha ingo zabo n’umutekano,hamwe bemeza ko ahanini baba bibikora banga ko amabanga yabo mu rugo yajya ku karubanda abandi bakabihuza n’amahame baba bahabwa na Satani.

IBITEKEREZO