birashyushye

Dore umukecuru wanditse amateka ndetse yitiriwe  nyirakuru w’isi 

Umutaliyanikazi Emma Morano, uzwi nk’ukuze kurusha abandi ku Isi, kuri uyu wa 29 Ugushyingo 2016, i Verbania mu gace ka Piémont mu Butaliyani hafi y’umupaka w’u Bufaransa n’u Busuwisi, yizihije imyaka 117 amaze avutse hacanwa buji zingana n’uyu mubare.

Emma ufite imyaka 117, ni umwe mu basigaye ku Isi bavutse mu myaka ya 1800
Emma yizihiza isabukuru y’imyaka 117 y’amavuko yari ashagawe

 

Inshuti za hafi z’uyu mukecuru zatangaje ko zacanye umubare wa buji zingana n’imyaka amaze ku Isi mu birori byo kwizihiza isabukuru ye y’amavuko.

Emma Morano si umwe mu bakuze ku Isi gusa bakiriho kuko ari no mu bantu bake bavutse mu kinyejana cya 19 ugihumeka umwuka w’abazima.

Uyu mukecuru yavutse kuya 29 Ugushyingo 1899, yizihije imyaka 117 amaze ku Isi imbere ya camera z’ibitangazamakuru bitagira ingano.

Ibanga rya Emma Morano wiswe nyirakuruza w’Isi

Itangazamakuru ryo mu Butaliyani ryamwise nyirakuruza w’Isi, ndetse yanditswe mu gitabo cy’abaciye uduhigo ku Isi Guinness de Record, nk’umuntu ukiriho ufite imyaka myinshi muri Gicurasi 2016, ubwo yari afite imyaka 116.

Icyo gihe atangazwa nk’umwe mu bakuze bakiriho yagize ati “ Ijambo ryanjye navuga n’uko mfite imyaka ingana n’imwe mu misozi.”

Igitangaza benshi kuri uyu mukecuru n’uko agikomeye, yambara neza bya gisirimu, kandi afite imbaraga ku buryo byanatumye akorwaho ubushakashatsi na Kaminuza yigisha iby’ubuvuzi ya Havard iherereye i Boston, bapima amaraso ye.

Emma Morano yatangarije ikinyamakuru La Republica dukesha iyi nkuru ko kuri we yibanda ku bintu bike mu buzima bwe bishingiye ku gufata ifunguro riboneye rya buri munsi, kuva ku myaka ye 90.

Yagize ati “Mu gihe cyo gufata ifunguro rya mu gitondo, ndya umugati, nkanywa amata cyangwa amazi. Ku manywa mfata amagi abiri mabisi na rimwe rihiye, nk’uko nabitegetswe na muganga ubwo nari mfite imyaka 20.”

Yakomeje agira ati ” Mu gihe cyo gufata ifunguro ryo ku manywa, ndya amakaroni, inyama ziseye, naho saa sita nkanywa amata.”

Emma umwe mu babayeho ibinyejana bitatu bakiriho

Ntabwo ari igitangaza ku muryango w’uyu mukecuru, wavutse ari imfura mu bana umunani kwizihiza isabukuru y’imyaka 90 cyangwa 100 kuko bimaze kuba nk’umuco.

Emma ufatwa nk’ukuze aracyafite igihe kugira ngo akureho agahigo ko kumara igihe kinini ku Isi gafitwe n’Umufaransakazi, Jeanne Louise Calment, witabye Imana mu 1997, agejeje ku myaka 122, uyu azwi nk’umwe mu babayeho igihe kirekire kuva Isi yaremwa.

Emma Morano yavutse mu mwaka Valdemar Poulsen, yavumbuyemo [Magnétophone] manyeto zakoreshwaga mu kwerwekana film. Mu 1926 hagati y’intambara ya mbere n’iya kabiri y’Isi, yashyingiwe na Giovanni Martinuzzi, babyarana umwana ariko aza guhita yitaba Imana akiri muto. Nyuma y’igihe yaje gusaba gatanya atandukana n’umugabo we.

Nyuma y’igihe kirekire akora mu ruganda rukora imyenda, ku myaka 75 yasezeye mu kazi ajya mu rugo aho avuka mu gace ka Piémont. Muri uwo mwaka niho yahise atangira gukoresha Facebook, ariko ahindura imyaka kuko igihe yavukiye kitagaragara mu myaka igenwa n’izi mbuga nkoranyambaga.

Ku munsi we w’amavuko yagize ati “ Meze neza cyane kandi nizeye ko bizakomeza, turacyari kumwe.”

Tanga Igitekerezo ukoresheje Facebook
Click to comment

Leave a Reply

Your email address will not be published. Required fields are marked *

Inkuru zikunzwe

To Top