Edouce wujuje imyaka 26 yishimira uko umuryango we wakiriye ubuhanzi bwe

Irabizi Taddy wiyise Edouce Softman n’umwe mu bahanzi b’abanyempano bakunzwe mu ruhando rwa Muzika nyarwanda, benshi bakaba baramumenye mu ndirimbo nka My Love, Maskini, Winsiga, Zahabu n’izindi nyinshi.

Edouce Softman aherutse kuzuza imyaka 26

Ejo hashize, Edouce yari yizihije isabukuru y’amavuko dore ko yari yujuje imyaka 26. Yavutse kuwa 5 Kamena 1992, Avukira mu Karere ka Rusizi, Ni mwene Safari Landouard na Mukavuganeza Laurence. Avuka mu muryango w’abana 8, akaba ari umwana wa kane mu muryango.

Edouce yize amashuri abanza i Rusizi, ku kigo cya Ecole Primaire de Gihundwe. Ayisumbuye yayize i Cyangugu aza gukomereza ku Gisenyi, ku kigo cya Lycee de Gisenyi, akaba ari ho yarangirije icyiciro cya mbere (Tronc Commun). Nyuma yaho yaje kujya mu gihugu cya Uganda, aho yari agiye gukomereza amashuri ye. Ageze muri icyo gihugu yaje gusanga imyigire yahoo itandukanye cyane n’iyo mu Rwanda biza kumudindiza.
Nyuma yaje kugaruka mu Rwanda ahagana mu kwezi kwa Kanama 2010, hanyuma atangira kwigaragaza mu ruhando rwa muzika. Yaje kugana ishuri rya King David i Kanombe, aho yaje gukomereza amashuri ye mu mwaka wa kane w’amashuri yisumbuye.

Nyuma y’uwo mwaka yaje yarushijeho kumenyekana cyane mu muziki mu ndirimbo nka Sinakwangaga yakoranye na Lick Lick ( iyi ikaba ari nayo ndirimbo ye ya mbere ). Indi ndirimbo ni “Akandi ku mutima” yatumye noneho arushaho kwamamara no kumenyekana hirya no hino mu Rwanda.

Edouce ngo akiri umwana yakuze akunda gukina basketball cyane k’uburyo umwanya munini yawumaraga arimo gukina akenshi n’iwabo ngo baramuburaga.ikindi nuko amze kujya mu buhanzi benshi mu muryango we ntago byabyumvaga ariko baje kubyakira baranamufasha kugeza aho ageze ubu

Uyu musore ahamya ko iyo yambaye neza byibuze mu myambaro ye haba harimo ibara ry’umweru. Twamubajije ku bijyanye n’igihe azarushingira maze asubiza agira ati “ kurushinga Burya byose Imana niyo ibigena buriya igihe nikigera cyabyo tuzarushinga.”

Yasoje abwira abakunzi be ko afite indirimbo nshyashya irasohoka vuba iri kumwe n’amashusho yayo nko mu byumweru bibiri biri imbere.

 

Tanga Igitekerezo ukoresheje Facebook

IBITEKEREZO