Fireman yemejeko Jay Polly yisize Mukorogo!!

Fireman (ibumoso) na Jay Polly babanye mu itsinda rya Tuff Gangs (Ifoto/Internet)

Intambara y’amagambo hagati y’umuraperi Jay Polly na mugenzi we Fireman bahoranye mu itsinda rya Tuff Gang ntirarangira.

Ubu Fireman yasohoye indirimbo nshya yise ‘Original’ akomoza ku basore bitukuza benshi bavuga ko yashakaga kuvuga Jay Polly.

Fireman iyo asobanura iyi ndirimbo avuga ko yashatse kubwira abantu ko ababazwa cyane n’abasore basigaye bitukuza, akavuga ko bidakwiye mu muco nyarwanda.

Ikiganiro yagiranye n’Izubarirashe.rw

I R: Uvuga iki kuri iyi ndirimbo

[aririmbeho] Fireman, Vayo Vayo  ubanza koko ari byo bya bihe bya nyuma, […] mbabazwa cyane n’abahindura impu zabo, uruzi na Kazungu kweli, mukorogo yabo. Ubu batuzaniye ibiyobyabwenge […] Ni indirimbo yanjye nshya mvugaho ku bintu abantu bakeka ko bitariho, kandi biriho. Izajya kuri ‘Mixtape’ yanjye nshya nise ‘Rap y’Ikinyarwanda’ nzasohora mu ntangiriro z’umwaka utaha. Hariho n’indirimbo nka Sagihobe n’izindi.

IR: Mbwira kuri icyo kintu cya mukorogo?

Hari ikintu cya Mukorogo nacyo cyadutse, ibyo bintu birahari abantu bari kwitukuza ntihazagire ubona inshuti ye yahindutse ngo atangare ngo ni ‘frecheur’ ntamenye ko ari mukorogo. Mukorogo bari kuyisiga bya nyabyo. Nabikomojeho nabyo muri iyi ndirimbo yanjye nshya kuko umuntu kwihindura inzobe atari inzobe, akihindura uwo atari ni ikibazo gikomeye cyane.”

I R: Uvuga muri iyi ndirimbo ko ibi wowe ubifata nk’ubwibone?

Gushakira ubwiza cyangwa se uburanga aho butari njyewe mbyita ubwibone kuko ntabwo aba ari ko wiremye, ntabwo aba ari ko Imana yashatse ko uba wowe uba ushaka kwihindura uwundi. njya numva ngo Haba harimo n’ingaruka nyinshi, ngo ntabwo bajya badodwa, urumva ko uba utakiri umwimerere, uba wabaye ‘Nsayidira’.

IR: Ibya Kazungu uvuga ni Jay Polly?

Ni ibintu ntakwirirwa nsobanura, nta muntu utarabonye amafoto yabyo nawe namubonyemo kandi namwe muramuzi, kandi amafoto yifotoye nayo arahari bakwereka uko yari ameze mbere n’uko ubu ameze. Ni ibintu bigaragarira buri muntu.  Mukorogo bari kuyisiga kuri ‘Originale’.

IR: Jay Polly niwe uvuga ko yitukuje?

Niba iryo zina arizwiho ntabyo nzi. Njyewe mbona Jay Polly adasa nk’ukuntu yasaga.”

IR: Ubivugaho iki, kwitukuza?

Mbabazwa cyane n’abahindura impu zabo, ntabwo ibyo bintu bikwiye ko umwana w’umunyarwanda w’intore gushakira ubwibone aho butari, ntabwo ibyo bintu biri mu ndangagaciro zacu.

UMVA HANO INDIRIMBO ORIGINAL FireMam avugamo ko Jay Polly yisize Mukorogo bya Original

Joshua Josh

IBITEKEREZO