Gen.Mubarak yavuze amasomo APR ikuye muri Kenya…Biyemeje gukomezanya n’umutoza

Visi Perezida wa APR FC, Maj Gen. Mubarak Muganga yavuze ko abakinnyi bakwiye kujya bizera ko umukino warangiye ari uko ifirimbi ya nyuma ivuze kuko iyi kipe y’Ingabo z’u Rwanda na yo yasezerewe mu mikino ya CAF Champions League kubera ibitego byabonetse mu minota y’inyongera ubwo yakinaga na Gor Mahia yo muri Kenya.

Gen Mubarak avuga ko hari amasomo bakuye mu gusezererwa muri CAF Champions League

Inkuru yaraje nabi abafana ba APR FC, yamenyekanye ku mugoroba wo ku wa Gatandatu ubwo iyi kipe yatsindwaga na Gor Mahia ibitego 3-1 birimo bibiri byabonetse mu minota y’inyongera.

Abakinnyi b’iyi kipe yifuzaga kugera kure muri iri rushanwa, bageze mu Rwanda kuri iki Cyumweru bahita bajya mu mwiherero i Shyorongi kugira ngo bakomeze kwitegura imikino ya Shampiyona.

Visi Perezida w’iyi kipe Maj Gen Mubarak Muganga wasuye aba basore, yanaganiriye n’itangazamakuru, avuga ko hari amasomo akwiye kuva muri iri sezererwa.

Yagize ati “Navuga ko twakuyemo amasomo yo gutegura, ubwo ndavuga ku ruhande rw’abakinnyi kugeza bahushye mu ifirimbi ni bwo uvuga uti ‘umukino urarangiye’, iyo rero abantu bari bizeye insinzi ndabizi n’abatoza hari igihe bibagora ariko ubu ni isomo.”

Avuga ko abakunzi b’iyi kipe bari bizeye gukomeza muri iri rushanwa nyafurika ariko ko bitagenze uko babitekerezaga kuko iriya kipe yaje kubashyiramo ikinyuranyo mu minota ya nyuma mu gihe umukino wari ugiye kurangira anganya kuri 1-1.

Yagize ati “Kwakira gutsindwa kuriya ntabwo byoroha ariko mu mupira w’amaguru ni ko bigenda.”

Yavuze ko ubu APR ihanze amaso shampiyona ya 2020-2021 dore ko iyi kipe ari na yo ifite igikombe cya 2019-2020 yagitwaye idatsinzwe umukino n’umwe.

Umutoza Adil arakomeza akazi

Ku munsi w’ejo ku mbuga nkoranyambaga hiriwe hacicikana amakuru avuga ko ubuyobozi bwa APR FC bwaba bwirukanye umutoza mukuru w’iyi kipe Mohammed Adil Erradi, gusa ubuyobozi bw’iyi kipe bwabihakanye.

Mu itangazo bwanyujije kuri Twitter, bugira buti “Ubuyobozi bwa APR FC bwemeye gukomezanya n’umutoza Mohammed Adil Erradi nk’uko tumufitiye ikizere ndetse n’ubuhanga bwe mu kazi nubwo twasezerew muri CAF Champions League.”

Ubwo APR yavaga muri Kenya

Photos: APR

593 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Machad Richard Nshimiyimana

Leave a Reply

Your email address will not be published. Required fields are marked *