Hagiye gutorwa Rudasumbwa w’abatinganyi

Kuwa 26 Gicurasi 2018 muri Afruika y’Epfo mu mujyi wa Knysna hazabera amarushwana yo gutora rudasumbwa w’abatanganyi ku Isi ku nshuro ya 10.

Ni ku nshuro ya gatatu muri Afurika y’Epfo habereye irushanwa ryo gutora rudasumbwa w’abatinganyi ku Isi, bigahuzwa n’iserukiramuco rya Pink Loerie Mardie Gras and Arts Festival.

Eric Butter uyobora irushanwa rya ba rudasumbwa b’abatinganyi yavuze ko hari imijyi itatu yari yifuje kwakira iri rushanwa ariko bahitamo Knysna ho muri Afurika y’Epfo.

Yongeho ko gutora Umutinganyi uhiga abandi mu bwiza ku nshuro ya 10 ari iby’ingenzi kuri we kandi ko mu nshuro ebyiri byabikoreye muri Afurika y’Epfo byagenze neza.
Indi Mpamvu yatumye bajya gukorera muri Afurika y’Epfo kandi ngo ari mu buryo bwo kugira ngo imiryango mpuzamahanga ibashe gufasha umujyi wa Knysna kwiyubaka nyuma y’inkongo y’umuriro yawibasiye muri Kamena 2017.

Kuva inkongi y’umuriro yakwibasira aka gace, abategura Pink Loerie bagize uruhare rukomeye mu gukusanya amafaranga, ibikoresho, n’ubundi bufasha mu kuzamura imibereho y’abahatuye.

Umuyobozi w’Umujyi wa Knysna, Eleanore Bouw-Spies nawe yashimye abateguye iki gikorwa anabaha ikaze.

Afurika y’Epfo ifite abatinganyi babiri babaye ba rudasumbwa ku rwego rw’Isi. Amarushanwa nk’aya yabereye mu mujyi wa Johannesburg muri 2012, no mu mujyi wa Knysna muri 2015.

 

Irakoze Tom

Tanga Igitekerezo ukoresheje Facebook

IBITEKEREZO