Hanze

Ikipe ya Chapecoense yahariwe igikombe inemererwa gutizwa abakinnyi namwe mumakipe akomeye muri Brazil nyuma yaho abayo bapfiriye mumpanuka y’Indege!!

chapecoense
Abakinyi ba Chapecoense 

Amakipe akomeye muri shampiyona ya Brazil yatangaje ko azatiza ku buntu abakinnyi ikipe ya Chapecoense yaburiye abayo mu mpanuka y’indege.

Abakinnyi ba Chapecoense bapfiriye mu mpanuka y’indege bajya muri Colombia gukina umukino wa nyuma n’ikipe ya Atletico Nacional mu irushanwa rya Copa Sudamericana.

Nk’uko tubikesha BBC, amakipe akomeye muri Brazil yatangaje kuzatiza abakinyi Chapecoense ni Flamengo, Palmeiras na Sao Paulo.

Urete kwemererwa kuzatizwa abakinnyi n’amakipe yo muri shampiyona ya Brazil, iyi kipe yanahariwe igikombe cya Copa Sudamericana na Atletico, yakoze impanuka ijya gukina nayo.

Byongeye, iyi kipe yagize ibyago irasabirwa ko mu myaka itatu ikurikira ya shampiyona itazamanuka mu cyiciro cya kabiri mu gihe yaba ije mu makipe y’inyuma ku rutonde rwa shampiyona. Mu gihe yarangiza ari iya 20, hamanuka eshatu ziyibanziriza.

Ku isi hose, yaba abakunzi ba siporo n’abandi bababajwe cyane n’iyi mpanuka y’indege yarimo abagenzi 81, igwamo abantu 76 barimo n’abakinnyi 22 ba Chapecoense.

Tanga Igitekerezo ukoresheje Facebook
Click to comment

Leave a Reply

Your email address will not be published. Required fields are marked *

Inkuru zikunzwe

To Top