Reba Ubukwe bwa Ange Kagame, uyumunsi yambitswe Agatimba

Kuri uyu wa gatandatu umunsi wari utegerejwe na benshi mu muryango, inshuti n’Abanyarwanda bose wageze, umukobwa umwe wa Perezida Paul Kagame yakoze ubukwe, yashyingiranywe na Bertrand Ndengeyingoma.

Bertrand Ndengeyingoma na Ange Kagame binjira muri Convention Center aho basezeraniye

Video nto Umuseke wabashije kubona, Ange Kagame agaraga yambaye ikanzu nende yera, afatanye mu kaboko n’akandi na Bertrand Ndengeyingoma bashyingiranywe binjira muri Convention Center ahabereye gusezerana.

Nk’uko biri kuri invitation yabo, abatumiwe mu bukwe barakirirwa mu Intare Arena muri Gasabo.

Perezida Paul Kagame aherutse gutumira mugenzi we wa Botswana Dr. Mokgweetsi Eric Keabetswe Masisi ubwo yasuraga iki gihugu tariki 27 Kamena, amubwira ko afite ibyinshimo byinshi kubona umwana umwe w’umukobwa agiye gushyingirwa.

Icyo gihe yagize ati “Mfite umukobwa umwe mu muryango wange, [araseka…] ‘kandi uwo mukobwa agiye gushyingirwa’ [araseka cyane] ‘uwo ni umugisha mu muryango kandi jye na Madame twazanye tugomba kubigiramo uruhare, tugomba kujya kubitegura.”

Perezida wa Botswana, Dr. Mokgweetsi Eric Keabetswe Masisi ntiyamutengushye, ku munsi wo Kwibohora tariki 4 Nyakanga 2019 ari mu bashyitsi bifatanyije n’u Rwanda ari kumwe n’abandi Bakuru b’Ibihugu n’Abakuru ba Guverinoma n’abandi banyacyubahiro.

Ange Kagame na Bertrand Ndengeyingoma tubifurije urugo rwiza rutemba amata n’ubuki, bazabyare baheke.

Mu ikanzu yera de n’agatimba karekare Ange Kagame arinjira muri Convention Center

Abakobwa baherekeje umugeni barakora akazi ka protocol barinda ikanzu kugenda ikubura hasi

Imodoka zatwaye abageni

Zari imodoka nto zitatse neza

Muri Convention Center ahabereye ubukwe hari hatuje cyane

Facebook Comments
Share Button

auto ads

Recommended For You

About the Author: kalisa john

Leave a Reply

Your email address will not be published. Required fields are marked *