BRM Tour Concert abazayitabira bazerekwa ibyiza nyaburanga bya Rubavu

Kompanyi ya Best of Rwanda and Market Ltd ni imwe mu kompanyi  zo mu Rwanda  ziteza imbere umuziki nyarwanda ndetse n’ibindi bintu byinshi by’imyidagaduro , nyuma y’igihe gito itangiye ku mugaragaro mu Rwanda  yateguye  icyo bise BRM  Tour Concert  kizabera I Rubavu  mu mugi wa Gisenyi .

Nkuko  twabitangarijwe  na  Bosco ushinzwe  ibikorwa bijyanye n’imyidagaduro muri BRM  yagize ati “ murabizi ko   turi  kugana mu mperza z’umwaka  kandi abanyarwanda benshi muri iyi minsi nishimiye  kumenya  ibyiza bitatse u Rwanda tubinyujije muri Gahunda ya Visit Rwanda  twifuje ko abakunzi ba muzika  nyarwanda twabategurira igitaramo  cy’abahanzi  i Rubavu noneho tukaboneraho tukanatembereza abazaba bakitabiriye mu bice nyaburanga  bigize ako karere.

Bosco  yakomeje avuga  ko bateguye  icyo gitaramo  mu  mujyi wa Rubavu kugira bazabonereho gutembereza abazakitabira ahantu nko ku kiyaga cya Kivu cyahogoje benshi, amashyuza  benshi   bivuriramo amavunane   , nyuma yibyo byose  bikazasozwa  n’igitaramo mbaturamugabo kizitabirwa n’abahanzi  Jay Polly , The Same y’i Rubavu, Mizi Band na  Back 2 World  icyo gitaramo kikazabera ahamaze kumenyekana nka  Little Paris ku nkengero z’ikiyaga  cya Kivu .

Yadutangarije ko gahunda y ‘icyi gikorwa  izaba kw’itariki ya 09 Ugushyingo 2019 aho azabyitabira bazahaguruka  i Kigali mu gitondo cya Kare bagisesekara I Rubavu  bagatangira gutambagizwa  mu kiyaga mu aho  bazasura  umupaka w’Urwanda na RD Congo banyuze  Gaz Methane,gutembera ku  mashyuza ndetse no kuri Brasserie .

Yasoje atubwira ko  muri icyo gikorwa babashyize igorora kuko umunyarwanda  ku mafaranga ibihumbi mirongo ine(40.000Frw) ndetse n’amadorali ijana (100$) ku munyamahanga hazaba hakubiyemo Amafaranga y’Urugendo(Transport),Accomodation ndetse n’ifunguro rya ku manywa(Lunch).

Facebook Comments
Share Button

auto ads

Recommended For You

About the Author: Jean paul Nsanzabera

Leave a Reply

Your email address will not be published. Required fields are marked *