Ibirori byabipfutse mu maso[Mask Party] iyi nshuro bizabera muri The Mirror Hotel

The Mirror Hotel yateguye ibirori by’abambaye bipfutse mu maso biziwi nka [Mask Party] mu rwego rwo gutangira ukwezi kwa cumi na kumwe neza .

Ibi birori bizaba ku wa 01 Ugushyingo 2019 kuri The Mirror Hotel mu Mujyi wa Kigali, hakazaba harimo ababyinnyi mpuzamahanga, abanyabufindo, aba-Dj bakomeye ndetse n’abanyarwenya bakomeye mu Rwanda.

Mu kiganiro yagiranye na Kigali Bosco ushinzwe ibikorwa byo kwamamaza muri The Mirror Hotel yadutangarije y’uko ibi birori babiteguye mu rwego rwo gukomeza kwegereza abakiliya bayo ibikorwa by’imyidagaduro kandi bakaba bafite na gahunda yo gukomeza kubasusurutsa kugira ngo bagubwe neza na service babonera muri The Miror Hotel

Yakomeje atubwira ko bazatanga bihembo ku bantu batatu ba mbere bazaza muri iki gikorwa barushije abandi kwambara masks nziza bazahembwa kumara icyumweru barara mu cyumba muri iyi hoteli; bahabwa ifunguro rya mu gitondo, irya saa sita na nimugoroba.

Abazajya muri ibyo birori bazakirizwa inyama ziteguwe neza kandi zokejwe n’abahanga bazobereye mu gukora ‘Nyama Choma’ mu Mujyi wa Kigali, ndetse kuva iki gitaramo gitangiye kugeza kirangiye ibinyobwa nka Heineken n’ibindi bya Braliarwa bizaba biri kuboneka ku bwinshi.

biteganyijwe ko ibyo birori bizatangira kw’isaha ya saa kumi n’ebyiri kugeza saa sita z’ijoro, kwinjira bizaba ari 3 000 Frw ndetse ukongezwa icyo kunywa.

The Mirror Hotel ni imwe muri hoteli zikomeye muri Kigali iri ku rwego rw’inyenyeri enye, iherereye i Remera muri metero 20 uvuye ku masangano y’imihanda yo ku Gisimenti, ku muhanda ujya i Remera mu Giporoso.

Facebook Comments
Share Button

auto ads

Recommended For You

About the Author: Jean paul Nsanzabera

Leave a Reply

Your email address will not be published. Required fields are marked *