Gasogi United yanyagiye Sunrise Fc ibitego 4 ku busa

Ku munsi wa munani wa shampiyona y’icyiciro cya mbere mu Rwanda, ikipe ya Gasogi United ibashije kubona amanota atatu yo mu rugo, nyuma yo kumara Imikino 5 itabasha gutsinda muri iyi shampiyona.

Uyu mukino watangiye saa saba bitewe n’uko ukurikirwa n’uhuza Police FC na Bugesera FC.

Umutoza wa Gasogi United, Guy Bukasa yari yakoze impinduka mu izamu, Munezero Patrick afata umwanya wa Isingizwe Patrick washinjwe gutsindisha ikipe mu mukino uheruka.

Gasogi yafunguye amazamu ku munota wa cyenda w’umukino ku gitego cyatsinzwe na Kayitaba Jean Bosco wacenze abakinnyi babiri b’inyuma ba Sunrise FC nyuma yo guherezwa na Manace Mutatu.

Ibyishimo by’iyi kipe yazamutse uyu mwaka ntabwo byamaze akanya kuko ku munota wa 14 gusa, Wangi Pius yishyuriye Sunrise FC mu gihe uyu mukinnyi ukomoka muri Uganda yatsinze ikindi gitego ku wa 34, yuzuza ibitego bitandatu muri Shampiyona.

Igice cya k;abiri cyatangiranye impinduka ku ruhande rwa Gasogi United, Umunyezamu wa mbere Cuzuzo Gaël wari umaze imikino ine adakina kubera imvune, asimbura Munezero Patrick.

Kayitaba Jean Bosco yongeye kwishyurira Gasogi United ku munota wa 49 ku gitego cyiza cy’ishoti rya kure mu gihe Tidiane Koné yatsinze icya gatatu ku munota wa 76.

Sunrise FC yashakaga uko yakwishyura, yatsinzwe igitego cya kane habura iminota itandatu ngo umukino urangire, gitsinzwe na Muganza Isaac wari umaze akanya asimbuye Mutatu, ku mupira yahawe na Kayitaba Bosco.

Gutsinda uyu mukino byafashije Gasogi United kugira amanota 10 ku mwanya wa munani mu gihe Sunrise FC yagumanye amanota 11 ku mwanya wa gatandatu.

Amafoto: Uwihanganye Hardy

Facebook Comments
Share Button

auto ads

Recommended For You

About the Author: Jean paul Nsanzabera

Leave a Reply

Your email address will not be published. Required fields are marked *