Umutoza Unai Emery yirukanye ku kazi ko gutoza Arsenal

Kuri uyu wa Gatanu tariki 29/11/2019 ni bwo Unai Emery wari umutoza wa Arsenal Fc yo mu Bwongereza yahagaritswe ku kazi ko gutoza iyi kipe nyuma y’umusaruro mucye no kwinubirwa cyane n’abafana b’iyi kipe. Uyu mutoza agiye kuba asimbuwe by’agateganyo na Freddie Ljungberg wari umutoza wungirije muri iyi kipe.

Unai Emery yirukanywe mu gihe ikipe yatozaga ya Arsenal itari kwitwara neza muri iyi minsi dore ko iri ku mwanya wa 8 ku rutonde rw’agateganyo rwa Shampiyona y’u Bwongereza. Yirukanywe kandi nyuma y’amasaha macye Arsenal Fc itsinzwe 2:1 mu mukino wayihuje na Eintracht Frankfurt kuri uyu wa Kane. 

Unai Emery yari amaze amezi 18 ari Umutoza Mukuru wa Arsenal FC. Yageze muri Arsenal FC mu mpeshyi y’umwaka ushize wa 2018 asimbuye Arsene Wenger wayitoje imyaka 22. Freddie Ljungberg wari umutoza wungirije ugiye kuba atoza Arsenal FC mu gihe igitegereje kubona Umutoza Mukuru, azatangira kuyitoza ku Cyumweru mu mukino iyi kipe izakina na Norwich

Facebook Comments
Share Button

auto ads

Recommended For You

About the Author: Jean paul Nsanzabera

Leave a Reply

Your email address will not be published. Required fields are marked *