Abanyarwenya ba comedy night bongeye kwibasira ba nyampinga mu bitaramo bya Live Laugh Lager bitegurwa na skol

Ba Nyampinga ndetse n’ibyamamare bitandukanye birimo Kizito Mihigo na Ndimbati bateweho urwenya mu gitaramo cya Skol cyatumye benshi batembagara.

Bimaze kumenyerwa ko buri wa Gatanu Skol ikora ibitaramo bigamije kumenyekanisha ikinyobwa cya Skol Lager kiri mu nzoga zengetse z’uru ruganda.

Ibi bitaramo byishimirwa cyane usanga iyo abantu babyitabiriye akanyamuneza kaba ari kose ndetse bikarangira nta muntu wifuza gutaha.

Mu cyabaye ku wa Gatanu tariki 29 Ugushyingo abanyarwenya batandukanye bakomeye mu Rwanda bahuriye ahitwa Best Corner Bar I Kagugu maze basusutsa abantu karahava. Abo ni Joshua Baby Face, George, Kefa, Faria, Toussaint ndetse na Fred.

Faria yateye urwenya agaragaza ukuntu hari igihe abantu bashyiraho poromosiyo ku kintu runaka bameze nk’abahimana.

Ati “Hari igihe ujya mu kabari bakakubwira ngo hari poromosiyo, ngo unywa inzoga icumi bakakongeza pizza, ukibaza nimara kunywa inzoga 10 ndaba nkeneye Pizza y’iki ?”

Yanavuze ukuntu bibaye ngombwa abagabo bagatwita hari abo byaba bitangaje cyane kurusha abandi.

Aha yatanze urugero rwa Kibonge Clapton avuga ko asamye bitakunda kuko yahita abona ubutumwa buvuga ko nta mwanya uhagije afite mu gihe Ndimbati ngo abantu bajya bagira ngo atwite imbogo.

Joshua na Fred bo bateye urwenya bagaragaza ukuntu bibaye ngombwa abantu bakagurana imitwe hari bamwe babihomberamo cyane.

Bati “Mu Rwanda turi gutera imbere, kera warwaraga impyiko ugahita upfa ariko ubu urazirwara ugashaka umuntu uziguha kwa muganga bakagushyiriramo izo abantu baguhaye. Mwibaze noneho igihe iterambere rizaba rimaze kuba ryinshi ku buryo umuntu ashobora guha mugenzi we umutwe, mureke tuvugishe ukuri tukumva inkuru ngo Kizito Mihigo yagize ikibazo cy’umutwe nyina wa Mbogo aramwitangira! Cyangwa se Miss Rwanda yagize ikibazo cy’umutwe ariko Ndimbati agize uwo mutima amuhaye umutwe.”

Si ugutera urwenya gusa byabereye muri iki gitaramo kuko hari udupapuro ku buryo abantu bifitemo impano yo gusetsa bashobora kwandikaho urwenya rwabo bakabasha gutsindira ibihembo.

Mu gitaramo hagati n’abantu bari bitabiriye bahabwaga umwanya, umuntu akaba yajya ku rubyiniro akavuga urwenya rwe abantu bamwishimira agahembwa icyo kunywa.

Usibye urwenya rwatangiwe muri iki gitaramo, abacyitabiriye banahawe amahirwe yo kwica icyaka banywa Skol Lager ku giciro cyo hasi.

Ushaka kumenya andi makuru ajyanye na byinshi kuri iki gikorwa cya Skol Lager, wanyura ku mbuga nkoranyambaga za Skol zirimo Facebook@SkolLagerRwanda na Instagram @Skol_lager.

Skol yenga ibinyobwa bisembuye n’ibidasembuye by’umwimerere birimo Panache Lemon, Skol Lager, Skol Malt, Skol 5, Virunga Mist, Virunga Gold n’ibindi kandi byose biboneka mu macupa abereye ijisho bikagira n’icyanga ntagereranywa.

Facebook Comments
Share Button

auto ads

Recommended For You

About the Author: Jean paul Nsanzabera

Leave a Reply

Your email address will not be published. Required fields are marked *