Iran yatangiye guhorera Gen Qassem Soleimani, irasa ibirindiro by’Amerika muri Iraq

Iran yahize kuzihorera kuri Amerika nyuma y’uko umusirikare wayo mukuru, Gen. Qassem Soleimani, ahitanywe n’ibitero by’ingabo za Amerika muri Iraq. Nyuma y’amasaha make uyu musirikare ashyinguwe Iran yahise itangira gushyira mu bikorwa umuhigo wayo.

Nk’uko BBC ibitangaza, nyuma y’amasaha make Gen. Qassem Soleimani ashyinguwe, Iran yahise igaba ibitero 2 bikomeye ku birindiro by’ingabo za Amerika muri Iraq hifashishijwe ibisasu byo mu bwoko bwa Misili byarashwe ahagana saa munani z’ijoro ku masaha yo muri Iraq.

Ibisasu bisaga 12 byarashwe ku birindiro 2 bya Amerika muri Iraq ari byo Irbil na Al Asad biherereye mu burengerazuba bwa Bagdad umurwa mukuru wa Iraq. Ntiharamenyekana ibyangiritse, abaguye cyangwa abakomerekeye muri iki gitero

Leta ya Washington yirinze kugira icyo itangaza gusa Perezida Donald Trump abinyujije kuri twitter yavuze ko ibintu bimeze neza ndetse ko bakirimo kureba abakomeretse ndetse n’ibyangirikiye muri iki gitero.

Iki gitero kibaye icya mbere gikozwe imbona nkubone kuri Amerika nyuma yo kwigarurira Ambasade ya Amerika i Tehran mu mwaka w’1979.

Iran yatangaje ko ibi byakozwe mu rwego rwo gusubiza ku rupfu rw’umusirikare wayo wishwe ku wa Gatanu ushize  yishwe n’ibisasu by’ingabo za Amerika byarashwe i Baghdad bitegetswe na Donald Trump.

icyo gihe Iran yashyize hanze itangazo rigira riti: “Turaburira inkoramutima za Amerika zayihaye aho ishyira ibirindiro by’ingabo zazo z’iterabwoba ko iri ari itangiriro. Ahantu hose hakekwa ko hahungabanya umutekano wa Iran hazitabwaho.”

Umukuru w’ingabo za Iran yatangaje ko iki ari ikimenyetso cyo kwerekana ubushobozi bw’ingabo zabo.

Ku munsi wo gushyingura Gen. Qassem Soleimani , mu ijambo umukobwa we yagejeje ku bari bitabiriye uyu muhano yavuze ko urupfu rugiye kugera ku Banyamerika ndetse ko ingo zabo zizashyirwa hasi bikaba bisa n’aho bitangiye gushyirwa mu bikorwa.

153 total views, 1 views today

Facebook Comments
Share Button

auto ads

Recommended For You

About the Author: Jean Paul Nsanzabera

Leave a Reply

Your email address will not be published. Required fields are marked *