Miss Rwanda 2020 : Abakobwa 54 batoranyijwe bahawe numero bazakoresha mu mwiherero (Amafoto)

Mu gitondo cyo  kuri uyu wa kabiri tariki ya 22 Mutarama 2020 nibwo Ubuyobozi bwa  Rwanda  Inspiration  Back  bwagiranye ikiganiro  n’abanyamakuru  aho abakobwa 54  batowe  mu gihugu hose bahawe numero zizakurwamo 20 bazajya  mu mwiherero.

Muri  icyo kiganiro Rwanda Inspiration Back Up itegura Miss Rwanda yari ihagarariwe na Ishimwe Dieudonné  ndetse na  Nimwiza Meghan wabaye Nyampinga w’u Rwanda wa 2019 n’Umuyobozi ushinzwe Ibikorwa byo gutera inkunga muri MTN, Wibabara Gisèle Fanny.

Mu ijambo rye  atangiza icyo kiganiro  Prince Kid yabanje gushimira abafatanyabikorwa barimo abaterankunga ndetse n’itangazamakuru ritahwemye kubaba hafi mu rugendo rwo  guhitamo abo bakobwa  uko ari  54, Yakomeje ashimira abakobwa bose babashije gukomeza muri kino cyiciro uburyo babyitwaye gitwari  abasaba no kuzitwara neza  mu byiciro bikomeye biri mbere kandi bagomba gutekereza ko  nyampinga abicayemo  .

Prince yababwiye  ko icyiciro  bagiye kujyamo  kizaba  gikomeye cyane kuko amajwi azatangwa mu buryo butatu aribwo Online na telefoni iyongeraho amajwi y’abagize Akanama Nkemurampaka.

Mu cyumweru cya mbere cy’umwiherero abakobwa 20 bazaba batorewe gukomeza mu mwiherero bazahabwa Umukoro  bazakorera  mu rugo iwabo bawurangiza  bakazabona kwerekeza I Nyamata  mu mwiherero uzamara ibyumweru bisaga 2 guhera kw’itariki ya 9 Gashyantare 2019.

Nkuko Prince Kid  yabivuze uburyo  bwo gutora  kuri murandasi abatora bazifashisha urubuga rwa Igihe.com naho abazatora kuri Telefone  bazajya bajya ahandikirwa ubutumwa bugufi  bandike  Miss basige akanya  ukurikizeho nimero y’uwo utoye wohereze kuri  1525.

Biteganyijwe  ko amatora azatangira kuri uyu wa Kane tariki 23 Mutarama 2020 saa sita z’amanywa.

Abakobwa bibukijwe ko tariki 1 Gashyantare 2020 hazabaho Pre-selection iteganyijwe kubera i Gikondo muri Expo Ground.

Kwinjira mu birori byo gutoranya abazajya mu mwiherero, itike izaba igura 3000 Frw na 5000 Frw mu myanya y’icyubahiro mu gihe abazagura amatike mbere hifashishijwe MTN bazagabanyirizwa igiciro.

Facebook Comments
Share Button

auto ads

Recommended For You

About the Author: Jean Paul Nsanzabera

Leave a Reply

Your email address will not be published. Required fields are marked *