Imbuga nkoranyambaga zagutunga uzikoresheje neza “Patycope wize ubukanishi”

Muri iki gihe  ,imbuga nkoranyambaga zabaye ubuzima bwa benshi nyuma y’ubwiyongere bw’abatunze telefone zigezweho. Ni gake ufite telefone igezweho kuri ubu bwakwira atageze ku mbuga nkoranyambaga.
Umwe mu rubyiruko ruzwi mu gukoresha imbuga nkoranyambaga by’umwihariko mu bijyanye n’imyidagaduro mu Rwanda, ni umusore witwa Rukundo Patrick benshi bita Patycope.

Uyu azwi cyane mu gukoresha imbuga nkoranyambaga yamamaza ibihangano n’ibikorwa by’abahanzi batandukanye ndetse akanakorana n’ibigo bitandukanye biba byifuza kwamamaza.
Patycope yavuze ko gukoresha imbuga nkoranyambaga neza byatunga umuntu mu buzima bwa buri munsi ndetse bikanamufasha kwita ku muryango we.


Yabyinjiyemo yikinira
Uyu musore ubwo yari arangije amashuri yisumbuye nibwo yinjiye mu gukoresha imbuga nkoranyambaga bitewe nuko yagombaga gutegereza umwaka mbere y’uko ajya muri kaminuza.
Ati “Urabizi iyo twarangizaga wasangaga dutegereza umwaka mbere y’uko tujya muri Kaminuza, iki gihe nabaga mfite imashini na internet kenshi ndeba amafilime. Byatumye ntangira gushakisha ibindi bintu najya nkora ku mashini bitari ibyo.”
Patycope yavuze ko icyo gihe aribwo yatangiye gukoresha imbuga nkoranyambaga ahereye kubyo gufasha abahanzi.
Yakoranye n’ikinyamakuru kigeze kugerwaho mu myidagaduro kitwa YegoB ari naho yazamuriye izina rye kugeza mu 2015 ubwo batandukanaga agafungura Patycope Ltd, sosiyete ye nyiri izina ikora ibijyanye no kwamamaza ku mbuga nkoranyambaga.
Uyu musore yavuze ko urukundo rw’umuziki yakuranye arirwo rwatumye ashaka uko yakwifashisha imbuga nkoranyambaga ngo ashyire itafari rye ku iterambere ryawo.
Imbuga nkoranyambaga wakoresheje neza zagutunga kandi neza
Patycope yavuze ko ubwo yari atangiye kwiga muri Kaminuza amafaranga yagiye akorera ku mbuga nkoranyambaga, ariyo yamufashaga mu gukemura utundi tubazo two ku ishuri.
Ati “Urumva nari mfite inguzanyo ya Leta muri kaminuza ariko ibindi bintu umuntu akenera rwose navuga ko nabikuraga mu gukoresha imbuga nkoranyambaga.”
Uyu musore ukorana n’abahanzi mu buryo bwo kwamamaza ibihangano byabo yaje kwinjira mu gukorana na sosiyete z’ubucuruzi ndetse akunze kwiyambazwa kenshi iyo habaye inama n’ibindi bikorwa bimwe na bimwe bya Leta bikeneye kumenyekanishwa.
Nyuma yo kurangiza kwiga ubukanishi, uyu musore ntabwo yigeze ajya gukora ibyo yize ahubwo yahisemo gukomeza gukoresha imbuga nkoranyambaga.
Ati “Nk’umuntu wari urangije ubukanishi muri kaminuza icyashobokaga ni uko nari gushinga igaraje ryanjye kandi ubushobozi ntabwo bwari buhari, nakomeje gukora ibyo nari nshoboye ariko Imana nimfasha naryo nzarikora.”
Patycope kuri ubu ufite umwana w’umukobwa avuga ko gukoresha imbuga nkoranyambaga aribyo bimutunze ndetse n’umuryango we.
Inama agira urubyiruko n’abandi bakoresha nabi imbuga nkoranyambaga, ni ukubyitondera kuko hari amategeko ashobora kubahana mu gihe batabyubahirije.
Yagize ati “Biba byiza iyo buri wese azikoresheje uko abishaka ariko bajye bazirikana ko hari amategeko y’igihugu ahana umuntu ukorera ibidakwiye ku mbuga nkoranyambaga.”
Uyu musore yagiriye inama urubyiruko kureka kumva ko imbuga nkoranyambaga ari izo gukiniraho cyane ko uzikoresheje neza zishobora kugutunga kandi neza.

patycope waminuje mu bukanishi kurub ‘utunzwe no gukoresha imbuga nkoranyambaga

138 total views, 1 views today

Facebook Comments
Share Button

auto ads

Recommended For You

About the Author: IRAKOZE BUTARE Aime

Leave a Reply

Your email address will not be published. Required fields are marked *