Indirimbo Yolo y’umuhanzi Mr D ishobora kuzitirirwa Album ye ya mbere

Mr D ubusanzwe witwa Didace Gashugi asanzwe ari umwe mu bafasha abahanzi nyarwanda bakorera umuziki muri Leta Zunze Ubumwe za Amerika, ni we ukuriye inzu itunganya umuziki ya More Records isanzwe ikoreramo Producer Lick Lick.

 

Mu bahanzi nyarwanda bakoreye muri iyi nzu Mr D abereye umuyobozi harimo Alpha Rwirangira, Meddy, umuraperi Sajou, n’abandi. Abahanzi hafi ya bose bakoreramo indirimbo zakunzwe zatunganyijwe na Producer Lick Lick.Nyuma yo gushyira ahagaragara rero indirimbo zitandukanye zizaba zigize Album ye ya mbere, we anivugira ko azaza kuyimurika mu Rwanda, kuri ubu iyo aherutse gusohora yayiyise “YOLO”. Iyi ndirimbo Yolo nk’uko yabitangarije Kigalihit.rw, ngo iri mu zimushimisha cyane kugeza ubu, ku buryo ishobora kugira amahirwe yo kuzitirirwa Album ye ya mbere ashobora kuzaza kumurikira abanyarwanda, hagati muri uyu mwaka.

“ Yah, nibyo koko, indirimbo yanjye Yolo, iranezeza cyane, nkunda kuyumva kenshi iyo ndi mu modoka njya ku kazi, ndetse yewe n’iyo nduhutse niyo numva, gusa uko mbibona, ishobora kuzaza mu zo nzahita mo imwe nzitirira Album yanjye”

mr-d-asusurutse-abakunzi-be

Mr D mu ndirimbo “Yolo”

Iyi ndirimbo Yolo, yakozwe n’umuproducer ukorera hano I Kigali mu Rwanda uzwi nka Nizz B, ukorera muri Empire Records, ku Gisozi.Kuri ubu Mister D, amaze kumenyekana mu ndirimbo nk’Umwanzuro, Urugero, My Number One, Yolo n’izindi. Iyi ndirimbo Yolo akomeje kuyimenyekanisha mu buryo butandukanye, aho aherereye muri Leta zunze ubumwe za Amerika, nko kuba ibyinwa akenshi mu nzu z’utubyibiro zikunze kwitabirwa n’abanyarwanda muri Rusange, Kugurisha imipira yanditse ho “ Yolo”, ndetse no kuyirirmba akenshi mu birori aba yatumiwe mo!

mr-d

 

 

 

 

 

 

 

 

 

 

 

 

 

 

 

 

 

Imipira igaragaza abakunzi b’iyi ndirimbo(YOLO) yaguzwe na benshi

Ku bijyanye no kuza hano mu Rwanda, kuzahamurikira Album, ndetse bo kuzakora ibitaramo bitandukanye bizazenguruka igihugu cyose,  nabwo aganira na Kigalihit.rw, yagize icyo atangaza:” Nibyo koko, ndi kwisuganya kugira ngo umwaka wa 2017, uzabe uw’amateka kuri njye, ndetse no kuri muzika nyarwanda muri rusange kuko ngomba kuza mu Rwanda kuhakorera ibitaramo bizenguruka igihugu mfatanyije n’abandi bahanzi, aho nzaba nerekana album maze iminsi nkoraho.”

mr-d-mu-ndirimbo-nshya

 

 

 

 

 

 

 

 

 

 

 

 

 

 

Mr D ategerejwe ho kuzakoresha abahanzi bakomeye ba hano mu Rwanda, ndetse n’abo mu karere, akaba yasoje ikiganiro twagiranye asaba abakunzi ba muzika kumushyigikira.

Kanda hano wumve unasangize abandi indirimbo “Yolo”ya Mr D:

IBITEKEREZO