Mu mafoto: Reba uburyo umuraperi The Highless ugendera ku mbago 2 yasusurukije benshi ibyuya bigashoka

Nsabimana Jean de Dieu ukoresha izina ry’ubuhanzi rya The Highless, ni umuraperi mushya ufite indoto zo kuba icyamamare mu Rwanda, mu karere no ku isi yose mu njyana ya Hip Hop,mu ijoro ry’iki cyumweru dusoje ni umwe mu baraperi basusurukije abitabiriye launch ya Riderman ndetse ashimisha benshi.

img_1644

Umuraperi The Highless kuri ubu ufite indirimbo eshatu arizo: Mu muntu, Nubyibuka afatanyije na Niyorick ndetse na Hip Hop rukumbi,mu ijoro ry’iki cyumweru dusoje ubwo benshi bizihizaga noheli yatunguye benshi agaragara ku rubyiniro asusurutsa abakunzi be bidakunze kugaragara mu Rwanda.

img_2232

Uyu musore w’imyaka 28 y’amavuko ubarizwa mu karere ka Bugesera ntawe yiyambaje mu kugera ku rubyiniro,yifashishije imbago 2 yurira urubyiniro ndetse asusurutsa benshi mu njyana ya Hip hop reka si ukumuha impundu n’amashyi biratira.

img_1639

Umuraperi The Highless afite ubumuga bw’amaguro yombi bwamufashe afite imyaka 3 y’amavuko bumutera kutagenda kuri ubu akaba agendera mu mbago.

img_2231

N’ubwo kugeza ubu agendera mu mbago ebyiri, The Highless avuga ko bitamuca intege mu muziki we n’ubwo hari imbogamizi agenda ahura nazo. Zimwe muzo ahura nazo ni nko kutabasha kujya ku rubyiniro gusa ngo ikimutera imbaraga ni uko iyo abashije kuhagera (kuri stage)abikora neza cyane akarapa abantu bose bakamwishimira, bikamutera imbaraga zo gukomeza gukora umuziki.

Kanda hano urebe video  y’indirimbo ye N’unyibuka

IBITEKEREZO