Mukura izerekeza i Bugesera idafite abakinnyi bane b’ingenzi n’umutoza mukuru

Ikipe ya Mukura VS izakina umukino wa shampiyona kuri uyu wa Gatanu n’ikipe ya Bugesera FC i Nyamata idafite umutoza mukuru, Okoko Godefroid, n’abakinnyi bane basanzwe babanza mu kibuga.

Okoko, ntazatoza uyu mukino nyuma yo kugira ibyago byo kubura mushiki we muto wapfiriye mu Burundi, akazashyingurwa kuri uyu wa Gatandatu taliki 24 Ukuboza 2016.

Mukura kandi izaba idafite Bukuru Christophe ukina hagati umaze igihe kinini ariho isima, Harelimana Lewis ukina hagati na rutahizamu Ndayishimiye Christophe bavunikiye ku mukino wa shampiyona Mukura VS iherutse kunganyamo na Rayon Sports igitego 1-1.

Iyi kipe izakina idafite kandi Niyonzima Ally, wahagaritswe ku mpamvu zo guta akazi akerekeza mu Burundi ubwo ubuyobozi bwe butamuhaye uruhushya.

????????????????????????????????????

Okoko w’iburyo ntazatoza umukino wa Bugesera

Mazimpaka Andre, kapiteni wa Mukura VS akaba yaraye abwiye Imvaho Nshya ko kubura aba bakinnyi bitazagira kinini bibahungabanyaho.

Ati ’’Mukura ifite abakinnyi benshi, hari icyo bizagabanyuraho nabwo gato, ariko n’abasigaye ni umwanya wabo wo kwigaragaza kwabo’’

Iyi Mukura ntirabasha gutsinda Bugesera FC ku kibuga cyayo. Kuri ubu Mukura VS igeze ku mwanya wa 12 n’amanota icyenda naho Bugesera ikaba iya gatandatu n’amanota 15

IBITEKEREZO