Ndahangayika cyane iyo umukunzi wanjye ambwiye ko aje kunsura kuko ndangiza vuba iyo duteye akabariro!Nkore iki?

Musomyi w’urubuga rwa kigalihit.rw abinyujije kuri email yatwandikiye agisha inama y’icyo yakora bitewe n’uko arangiza vuba mu gihe cyo gutera akabariro iyo umugore we amusanze muri Amerika mu biruhuko.


Yagize ati”Nitwa Thomas ariko sindibuvuge irindi zina ryanjye kuko hari abanyarwanda bashobora kumenya bityo nkaba niteje rubanda.

Ubusanzwe ntuye muri Amerika ninaho mfite akazi katagize icyo kantwaye.Navuye mu Rwanda mu mwaka wa 2013 nyuma y’uko nkoze ubukwe bw’agatangaza ariko n’ubundi nkunda kugaruka nje kwirebera umuryango.

Nashatse umugore muri 2010,icyo gihe inshingano zose zirebana n’urugo narazuzuzaga nk’umugabo wese ufite umugore.Mu yandi magambo iyo nateraga akabariro n’umugore wanjye twarishimaga tukanyurwa mbese dutemba itoto mu buryo bwose.

Igihe cyaje kugera rero ngira amahirwe njya muri Amerika gukorerayo ndetse birampira kugeza ubwo nifuza no kuzana umuryango wanjye ngo tubane bitewe n’uko ubuzima namaze kubufatisha.

Nkimara kugerayo hashize imyaka ibiri natumyeho umugore wanjye ngo aze nkunsura anaje mu biruhuko dore ko yari yanabonye ikiruhuko ( congé).Ikintu cyantangaje rero ni uko mu gihe twateraga akabariro naje kujya ndangiza vuba nagirango ndatinze bigatwara umunota kandi nabwo ku nshuro ya kabiri igitsina kigatinda gufata umurego.

Nabanje kwirengagiza nkagirango ni amashyushyu bitewe n’uko ntari mbiherutse,ariko siko byaje kugenda kuko kuva ku munsi wa mbere kugeza ukwezi kose byakomeje kugenda gutyo kugeza ikiruhuko kirangiye asubiye mu Rwanda.

Nyuma yo kugenda nasigaye mfite ikimwaro n’ipfunwe nibaza ibyambayeho kandi nkiri mu Rwanda naritwaraga neza biranyobera.Naje kwegera mugenzi wanjye mubwira ibyambayeho ambwira ko nawe byamugendekeye gutyo nsanga nawe duhuje ibibazo.

Icyo ntandukaniyeho n’uyu mugenzi wanjye,ngo ni uko yanyuzagamo agashaka undi mukobwa bishimishanya ariko nabwo ngo akarangiza vuba kandi nawe mbere ngo yari intwari,mu gihe njyewe aho kugirango nshurashure nahisemo kwikinisha.

Nsubiye inyuma gato,Madamu yagezeyo tukajya ducata kuri watsapp agaca amarenga y’uko ntamunyuze ariko ntiyerure.Ikinteye impugenge rero ni uko agiye kongera kuza kundeba kandi sinigeze nivuza dore ko muri ibi bihugu bya Amerika n’Uburayi bene icyo kibazo bidapfa gukunda bitewe n’uko imiti yaho ifatwa nka drogue kandi njya numva ngo igira ingaruka.

None bavandimwe ndabasabye ngo mumbwire icyo gukora kuko ndaremerewe dore ko azaza mu minsi ya noheli na bonane nibura ndebe ko narangiza umwaka nishimanye n’umugore.”

IBITEKEREZO