Mu Rwanda

Nubwo byarwanyijwe cyane,Umuryango w’Ibiganza byimpuhwe wahfashije abarwayi bikomeye

Kuri uyu wa gatandatu w’italiki ya 31 Ukuboza 2016 Faundation “Ibiganza by’impuhwe” wakoze igikorwa cy’ubugiraneza cyo gufasha abarwayi barwariye mu bitaro bya Masaka aho babahaye ibyo kurya ,ibyo kunywa ,ibikoresho by’isuku ndetse banarihira bamwe mu bari barabuze ubwishyu bw’ibitaro ibi bikaba byari mu rwego rwo kwifatikanya n’abanyamibabaro mu gihe cy’iminsi mikuru gusa itorero rya ADEPR ryanenzwe uburyo ryaganije iki gikorwa mbere yuko kiba.


Bahagurukiye mu Kagarama kuri Kigali Regional Motel berekeza mu bitaro bya Masaka

Iki gikorwa cyatwaye amafaranga ibihumbi magana inani (800, 000frw). Umuryango IBIGANZA BY’IMPUHWE wagiteguye ukaba waratangiye mu mwaka w’2009 gusa kiza guhagarara kubera ubushobozi bwari bukeya kiza kikaba cyongeye gusubukurwa vuba aha ndetse abayobozi b’iyi Faundation bakaba bamaze gutangazako ubu bagiye gukora ibikorwa bifatika kandi gufasha bakabishyira imbere kurusha ibindi byose.
Iki gikorwa cy’ubugiraneza cyabereye mu bitaro bya Masaka ku masaha ya nyuma ya saa sita hari ku wagatandatu w’italiki ya 31 Ukuboza 2016 hari ku munsi ubanziriza kwinjira mu mwaka mushya wa 2017 .

JPEG - 103.2 kb
Bamwe mu barwayi bari baranze kurekurwa n’ibitaro kubwo kubura ubwishyu barishyuriwe batangira umwaka mushya neza

Iki gikorwa cyatwaye amafaranga ibihumbi magana inanii (800, 000frw) ,muriyo harimo ayaguzwe ibiribwa byagaburiwe abarwayi,hakabamo kandi ayaguze ibikoresho by’isuku ndetse andi yishyurira abarwayi 5 mubari barabuze ubushobozi bwo kwishyura ibitaro ,ibi byose byakozwe byashimishije bikomeye abarwayi ndetse n’ubuyobozi bw’ibitaro nkuko Madamme Mbabazi Mangele umuyobozi w’ibitaro bya Masaka ushinzwe Coordination yabivuze ubwo yaganiraga ko yishimiye iki gikorwa .

Sereine NTERINANZIZA niwe watangije iki gikorwa cy’urukundo abihereye kw’ineza nawe yagiriwe n’umuzungu w’umunyamaerika wamwishyuriye amafaranga amafaranga menshi afasha umwana we kujya kwivuza hanze y’u Rwanda bityo arenye iyo neza uyu munyamahanga yamugiriye ahita agira umutima wo kwita kubanyamibabaro .

JPEG - 97.6 kb
Sereine Nterinanziza umuyobozi wa Fondasiyo ibiganza by’impuhwe yanenze abarwanya igikorwa cy’ubugiraneza

Sereine Nterinanziza umuyobozi wa Fondasiyo ibiganza by’impuhwe mukiganiro yagiranye n’itangazamakuru yavuzeko uyu muryango watangiye mu mwaka wa 2009 batangira bakora ibikorwa bijyanye no kwita kubadamu batishoboye gusa ngo kubera ubushobozi buke byaje guhagarara bikaba birimo bisubukurwa muri iyi minsi ari no muri ubwo buryo mu mwaka wa 2016 twarangije bakozemo ibikorwa birimo guhugura urubyiruko ibijyanye no guteka ndetse tukaba twanakoze iki gikorwa cyo gusangira n’abarwayi iminsi mikuru tubafashisha ibyo kurya ibyo kunywa ,imyambaro no kwishyurira bamwe amafaranga y’ibitaro ndetse no kubaririmbira tukabasengera nkuko byagenze.

Sereine NTERINANZIZA yakomeje avugako uyu muryango ayoboye utita ku barwayi gusa kuko ujya ufasha abatishoboye kwivana mu bukene uboroza amatungo magufi, ubigisha kwihangira imishinga, ugatanga n’amahugurwa ku buntu.

JPEG - 3.2 Mb
Hanabayeho umwanya wo kubwiriza no kuririmbira abarwayi barishima

Uyu muyobozi yavuzeko ashimira abantu bose bifatikanije nawe kumva iki gitekerezo kiza gusa avugako uburyo kitabiriwe atariko byagombye kugenda kuko ADEPR yakirwanije kuburyo byamubabaje kandi bikamukomeretsa kubona abantu b’Imana aribo bafata iyambere kurwanya igikorwa nk’iki.

Ese n’ibiki ADEPR yakoze byerekana ko itari ishyigikiye iki gikorwa?

Sereine avugako icyambere kuba ari umukristo wa ADEPR birumvikana ko abantu benshi mubo yitabaje basengera muri iri torero ariko birangira ADEPR ibujije itsinda ryo kuramya no guhimbaza Imana ryo kuri ADEPR Kakiru ryari ryiteguye kuzaba muri cyo yewe no mw’itorero rya ADEPR Kagarama hatangarizwa ko umuntu wese uzabijyamo azahagarikwa nyuma yabyo.

Ese ADEPR Kagarama kurwanya iki gikorwa babitewe n’iki?

Mu kiganiro iyobokamana.com twagiranye na mwarimu Cyprian Hakizimana umuyobozi w’umudugugu wa Kagarama ari naho hatangarijwe yuko umukristo uzitabira iki gikorwa azahagarikwa doreko benshi bari muri cyo ariho babarizwa kuko Madame Sereine uhagarariye uyu muryango ariho asanzwe asengera ndetse akaba yari umuyobozi wa korali yaho nkuru yitwa Philadeliphia gusa nyuma kumpamvu ze akaza kuhava ubu akaba asigaye asengera kuri ADEPR Kakiru muri international, Mwarimu Cyprien yavuzeko iki gikorwa cyateguwe n’umuntu ku giti cye ariko ashaka ku kitirira itorero kandi akora ubbukangurambaga mu bakristo b’umudugugudu wa Kagarama atabimenyesheje ubuyobozi bw’itorero .

Muri aya magambo mwarimu Cyprien yagize ati:”Twebwe ntabbwo turwanya ibikorwa byo kugira neza ,ariko nabwo bigomba gukorwa muri gahunda kandi mu mucyo bitameze nko kugumura abantu bityo niyo mpamvu inama nyobozi ya hano mu Kagarama yanzuye kutagaragara ko iri inyuma y’ibi bikorwa.

JPEG - 30.2 kb
Pasiteri Ruzibiza Viateur uavugako ADEPR ntabaruwa ifite

Byarenze umudugudu wa Kagarama bifata indi ntera kuko n’itsinda ryo kuramya no guhimbaza Imana ryababajwe bikomeye no kwangirwa kwitabira iki gikorwa bituma iyobokamana.com tuvugisha Ruzibiza Viateur umuvugizi ADEPR mw’itangazamakuru maze adutangariza ko kugeza ubu nta makuru ahagije afite ku cyaba cyarateye iki kibazo kuko ngo nta baruwa itumira ADEPR muri iki gikorwa abagiteguye bigeze bashyikiriza ubuyobozi bityo akaba avugako uko byagenda kose harimo amakosa hagati y’ababiteguye n’abafatanyabikorwa babo kuko nta kuntu ADEPR yarwanya igikorwa cy’ubugiraneza.
Amwe mu mafoto yaranze uyu munsi :

JPEG - 3.1 Mb
Abagize umuryango w’ibiganza by’impuhwe bafashe imodoka berekeza mu bitaro bya Masaka
JPEG - 3.1 Mb
Abarwayi bari bishimye cyane muri uyu munsi mukuru bakorewe n’umuryango w’ibiganza by’impuhwe
JPEG - 84.6 kb
Ibitaro bya Masaka abarwayi babyo basuwe bakorerwa umunsi mukuru





JPEG - 126.4 kb
Mu gikorwa cyiswe Christimas Party abagize umuryango Ibiganza by’impuhwe bashyikirije abarwayi ibikoresho by’ubwoko bwinshi babaha n’imyambaro

JPEG - 56.7 kb
Umuryango w’ibiganza by’impuhwe wagaburiye abarwayi n’abarwaza mu bitaro bya Masaka









JPEG - 3.2 Mb
Iki gikorwa cyabonetsemo ibyo kurya,imyambaro ,kwishyurira abarwayi ,kubabwiriza ijambo ry’Imana ,kubairirmbira n’ibindi byinshi
Tanga Igitekerezo ukoresheje Facebook
Click to comment

Leave a Reply

Your email address will not be published. Required fields are marked *

Inkuru zikunzwe

To Top