Papa Francis yakubise umutwe ku modoka ye ava amaraso ajya no ku ikanzu

Mu mpanuka idakunze kuba kenshi, umushumba wa Kiliziya Gatorika ku isi Papa Francis muri week end ishize ubwo yariho agenda mu modoka ahitwa Cartagena muri Colombia, imodoka ye yicetse mu mukuku nawe ayikubitaho umutwe arakomereka cyane ku jisho.

Papa yakubise umutwe ku kirahuri cy'imodoka ye

Papa yakubise umutwe ku kirahuri cy’imodoka ye

Francis w’imyaka 80 wari muri Popemobile (imodoka ye) yakomeretse hejuru y’ijisho no munsi y’ijisho harabyimba.

Hari amashusho yagaragaje uyu mukambwe yikubita ku kirahure cy’imodoka yari yicugushije maze abamurinda bahita bamutabara baramukomeza.

Ntibyamubujije gukomeza ibyo yari arimo, baramufashije asohoka mu modoka, nubwo yari afite amaraso ku ikanzu n’igikomere ku jisho, ajya mu bantu abaramutsa aseka.

Umuvugizi wa Vatican avuga ko Papa ameze neza kuko bahise bamuvura agakomeza urugendo rwe nta mpinduka.

Kuri iki cyumweru nimugoroba nibwo yavuye muri Colombia ataha i Roma.

Mu ruzinduko muri Amerika y’epfo Papa yasabye ko imyivumbagatanyo iri muri Venezuela yakemurwa mu mahoro abantu ntibakomeze gupfa.

Imyivumbagatanyo y’abasaba ko Perezida Nicolas Maduro yegura imaze guteza ikibazo cy’ibura ry’ibiribwa n’imiti n’abantu bagera ku 125 bamaze kubigwamo kuva mu kwezi kwa kane.

Umwaka ushize, Vatican yagerageje guhuza guverinoma ya Venezuela n’abo bahanganye  ariko impande zombi ziza kwivana mu biganiro kubera kutizerana.

Yakomeretse munsi no hejuru y'ijisho ariko ntibyamubujije gukomeza gahundaye

Yakomeretse munsi no hejuru y’ijisho ariko ntibyamubujije gukomeza gahundaye

Amaraso yagiye no ku ikanzu ye

Amaraso yagiye no ku ikanzu ye

Muri Colombia yari ariyo muri iyi week end ari naho yagiriye iyi mpanuka

Muri Colombia yari ariyo muri iyi week end ari naho yagiriye iyi mpanuka

Nsanzabera Jean Paul

www.kigalihit.rw

IBITEKEREZO