Social Mula yibarutse umwana wa kabiri

Mugwaneza Lambert wamamaye mu muziki nka Social Mula n’umukunzi we, Uwase Nailla bibarutse umwana wa kabiri, ubuheta.

Social Mula yavuze ko umugore we yabyariye mu bitaro bya Kacyiru ku mugoroba wo kuri uyu wa 2 Nzeri 2020, babyaye umwana w’umukobwa.

Ati “Twibarutse. Mama w’abana banjye yabyariye mu bitaro bya Polisi ku Kacyiru. Yabyaye neza nta kibazo afite. Ni ibyishimo bikomeye kuri njye n’umuryango wanjye.”

Uwase Nailla ni nawe babyaranye imfura y’uyu muhanzi y’umuhungu yise Mugwaneza Brayden Owen, yanamwifashishije mu mashusho y’indirimbo ‘Amahitamo’.

Uyu muhanzi muri iyi minsi ufite indirimbo yitwa ’Super Star’ yakurikije izakunzwe zirimo ‘Ku Ndunduro’, ‘Humura’, ‘Amahitamo’ n’izindi, ahakana ko abana n’uyu mukobwa wamubujije kuvuga iby’urukundo rwabo n’icyo bateganya nyuma y’ukwezi kurenga babyaranye.

Social Mula yatangiye umuziki mu mwaka wa 2013, icyo gihe yafashwaga n’inzu itunganya umuziki ya The Zone, yibandaga cyane ku ndirimbo zo mu njyana ya Dancehall na Afrobeat ndetse hari nyinshi yakoze muri ubu buryo zakunzwe nka ‘Abanyakigali’, ‘Umuturanyi’ n’izindi. Aherutse gushyira hanze indirimbo yise ‘Marigarita’.

1,478 total views, 2 views today

Facebook Comments
Share Button

auto ads

Recommended For You

About the Author: SHUMBUSHO Josue

Leave a Reply

Your email address will not be published. Required fields are marked *