Uburyo 6 nyabwo buri mugore agomba kugirira isuku igitsina cye

Kugirira isuku igitsina cyawe nk’umugore/umukobwa nicyo kintu cy’ingenzi kigaragaza isuku ku mubiri wawe ndetse no ku buzima bwawe utibagiwe n’ubw’umugabo muryamana buri munsi.

Uburyo 6 nyabwo buri mugore agomba gukorera isuku igitsina cye

Iyi suku n’ubwo ari ingenzi cyane cyane ku bagore ariko birareba igitsina gore cyose, ni ukuvuga ko n’abakobwa bibareba kubera uburyo baba baremye bubasaba kugira isuku yihariye, ari yo mpamvu bagomba kwitondera ibi bikurikira.

1. Mu gihe umugore cyangwa umukobwa ari mu mihango aba agomba kwiyitaho birenze indi minsi yose kuko iyo umuntu atigiriye isuku muri icyo gihe impumuro imuturukaho iba ari mbi cyane.

2. Umugore cyangwa umukobwa aba agomba gukaraba mu gitsina cye akoresheje amazi meza kuko burya ngo ashobora gukoresha amazi abonye yose bikamwangiriza ubuzima nko kwanduriramo indwara nyishi kandi ntabwo aba agomba gushyiramo isabuni abonye zose cyeretse izabugenewe zonyine kando nabwo yabibwirijwe na muganga.

3. Gukaraba mu gitsina nibura inshuro ebyiri ku munsi bifasha kugirira isuku igitsina cyawe. Umugore aba agomba kugenzura ko nta mpumuro mbi ituruka mu gitsina cye mbere yo gukora imibonano mpuzabitsiana kugira ngo atanukira uwo bayikorana.

4. Igihe cyo kwisukura urangije kwituma niba ukoresha urupapuro,ugomba kwitwararika ukavana ahagana imbere ujyana inyuma, kugirango hatagira umwanda ujya mu gitsina; kuko bishobora kugutera indwara kandi niba unakoresheje amazi, irinde kuyakoza mu gitsina kuko nayo aba arimo uwo mwanda.

5. Kogosha umusatsi wo hasi (insya) ku mugore nabyo ni isuku aba agomba kumenya ku gitsina cye kuko iyo zimaze kuba nyinshi,iyo hajemo icyuya bizana impumuro mbi kandi n’iyo mugiye gutera akabariro umugabo ntabona aho yinjirira rimwe na rimwe zishobora no gukomeretsa igitsina cy’umugabo ugasanga zaripfunditse.

6. Kwambara umwenda y’imbere (ikariso) ikozwe mu ipamba (cotton) kuko ifasha ubuhumekero no kwinjiza umwuka, hagahora humutse nta byuya, kuko bifasha kurinda impumuro mbi mu gitsina.

Umugore mwiza arangwa n’isuku aho ari hose niyo mpamvu ataba akwiye kuyigira ahantu hamwe ngo ahandi ahibagirwe kuko ubwiza bugaragara ku isura inyuma ku bakureba aho unyuze. Jya uzirikana no ku gitsina n’ubwo hatabonwa na buri wese.

Tanga Igitekerezo ukoresheje Facebook

IBITEKEREZO