Uganda:Umunyacyubahiro yahambanywe akayabo mu madorali ya Amerika

Umugabo wo muri Uganda witwa Charles Obong yahambanywe akayabo k’amafaranga nyuma yo gupfa yarabanje gusaba umuryango we ko mu gihe azaba yapfuye bazamuhambana Amadorali ya Amerika 5,700 azishyura Imana mu gihe azaba ageze aho azaba acirirwa urubanza rw’ibyaha yakoze akiri ku Isi.

Image result for Charles Obong

Uyu mugabo ibi yabibwiye umuryango we ubwo yabonaga ubuzima bwe bugeze ahabi, abasaba ko mu mafaranga asize bazakuramo Amadorali 5700 ya Amerika (hafi miliyoni eshanu uyabaze mu mafaranga y’u Rwanda) bakayamuhambana, maze akazayaha Imana kugirango ababarirwe ibyaha yakoze bityo akomorerwe kujugunywa mu muriro utazima .

Charles Obong yapfuye afite imyaka 52, yakoze imirimo itandukanye muri guverinoma ya Uganda akaba yarapfuye mu mpera z’icyumweru gishize.

Related image

Nyakubahwa Charles Obong yahambanywe akayabo mu madorali

Daily Monitor dukesha iyi nkuru ivuga ko aka kayabo k’amafaranga bayashyize mu isanduku yashyinguwemo, abakuze bo mu muryango bakaba babanje gusobanurira abaherekeje uyu mugabo impamvu aya mafaranga yashyizwemo.

Image result for Charles Obong

Iki kinyamakuru kandi cyakomeje kivuga ko cyaganiriye n’umushumba umwe mu idini rya kiliziya Gatolika witwa Joel Agel, ababwira ko atemeranya n’ibyo umuryango wa Charles Obang wakoze kuko ngo nta na rimwe amafaranga yigeze agura ubugingo buhoraho, kandi ko Imana idashobora kwakira amafaranga nk’inyishyu y’ibyaha.

IBITEKEREZO