Umugabo wa Mukuru wanjye akomeje kunsaba ko twaryamana ngo andihirire kaminuza, naranze none sinorohewe- NKORE IKI?

Muraho neza, ku myaka mfite 26 nabaye mu buzima bugoranye bwa gipfubyi hamwe na mukuru wanjye, ubu ufite umugabo we babana byemewe n’amategeko.

Black woman hugging her knees

Bafite abana babiri, bamaranye imyaka itandatu babana, ntacyo babuze kuko baratuye muri Kigali, bose bafite akazi kandi keza.

Nize amashuli yisumbuye mba muri urwo rugo, nataha mu biruhuko nkaba meze nk’umwana, maze imyaka 3 ndangije ariko ntabwo nagize amahirwe yo gukomeza ngo nige kaminuza.

Kuba ntarize kaminuza ndabona bigiye kuba igishuko kuri njye, kuko umugabo wa mukuru wanjye ubu asigaye ataha amasaha atageze ngo tuganire, ntiyaripfanye yifuje ko turyamana ndanga.

Yagerageje inshuro nyinshi ndamuhakanira, anshyiriraho imitego myinshi agera naho ambwira ngo azandihirira kaminuza, n’amafaranga yarayampaye ndanga.

Nyuma yo kubona ko bidashoboka, uko abonye uko ambwira, aranshyurira cyane, ikibi gikozwe cyose muri urwo rugo ahita andeba nabi ngo ninjye nyirabayazana.

Mu by’ukuri mu minsi ishize nabwiye mukuru wanjye ko nifuza kureba ahandi njye kuba arambuza, ngo ntacyo nabuze muri urwo rugo, ngo ndashaka kujya kuba ikirara aho azaba atabasha kundeba.

Nagize ubwoba n’isoni zo kumubwira ikirimo kuntera gushaka kugenda, mungire inama, nkore iki?

Tanga Igitekerezo ukoresheje Facebook

IBITEKEREZO