Babra umuhanzzikazi uririmba indirimbo zihimbaza Imana yashyize hanze indirimbo ye ya mbere yise Naguha Iki

Babra ni umuhanzikazi mushya mu ndirimbo zihimbaza Imana (Gospel) winjiye mu muziki uyu mwaka ariko wahereye cyera acyiga mu mashuri makuru akora uyu muziki cyane cyane muri korari kubera yari abikunze.Kuri ubu noneho Babra yinjiye mu muziki bya nyabyo nkuko yabitangaje.

 

Ku myaka 25 y’amavuko Akariza Babra umukirisitu usengera mu rusengero rwa Good News Mission ruherereye ku Kimironko;ku ikubitiro yashyize hanze indirimbo ye ya mbere ikoze mu buryo bugezweho yakorewe muri studio izwi cyane mu Rwanda ya Dream Records aho iyi ndirimbo yayise “NAGUHA IKI” ikaba yarakozwe na Eric-k3 pro muri iyi studio.

Babra aganira n’umunyamkauru wacu  yamutangarije ko iyi ndirimbo impamvu ariyo yahereyeho ari uko iyi ari indirimbo yahimbye kera akiri muto.Ati:”Mu byukuri iyi ndirimbo “NAGUHA IKI”nayihimbye kera nkiri muto ndi gushima Imana ibyo yankoreraga byiza cyane nyibaza icyo nayitura ariko nkasanga igisubizo ari ukuyiha ubugingo bwanjye ikabuyobora”.

Twashatse kumenya niba Babra afite abantu bazamufasha mu muziki we yinjiyemo maze mu magambo ye agira ati:”Yego ndamufite manager wanjye ni umugabo witwa Richard niwe uri kumfasha mu muziki wanjye kandi ndizera ko nzakomeza gukora cyane ngo nzamure urwego rwanjye ndetse mbashe no kugera kure heza tubifashijwemo n’Imana”.

Umuhanzi nka Apha Rwirangira mu Rwanda ndetse na Judith Babirye umugandekazi ngo nibo bahanzi Babra areberaho bamuteye nawe kwinjira muri muzikan nkuko akomeza abituganiriza.

Muri iki kiganiro kirambuye na Babra,twamubajije kuri iri zina rye cyane ko hari undi muhanzikazi nawe wigeze kuba ari mu muziki nyarwanda nubwo ataririmbaga Gospel;tumubaza niba yaba ariwe ugarutse ariko wahinduye injyana cyangwa niba ari undi maze Babra yisekera agira ati:”Ahahaahaaha Oya rwose izina Babra ni iryanjye ninaryo riri mu irangamuntu yanjye gusa uyu wundi nawe ndamuzi naramwumvaga aririmba ahubwo numvishe ko atakiririmba”.

Babra yasoje ashimira cyane abantu bose bagira uruhare mu guteza imbere ibahangano by’abahanzi nyarwanda bose.


Kanda aha wumve indirimbo nshya y’umuhanzi Babra:

292 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.