Umuhanzi Mugisha Fabrice uzwi nka Eyo Fabulous, Umunyarwanda utuye mu Mujyi wa Montreal muri Canada, yageze mu Rwanda nyuma y’imyaka itanu atahagera, yakiranwa urugwiro rwinshi n’abarimo umuhanzi Khalfan na Producer Iyzo ndetse n’abo mu muryango we .
Uyu musore wamenyekanye mu ndirimbo nka nka “C’est Dieu,” “Molela,” na “Toujours, ni zindi yasesekaye ku kibuga cy’indege mpuzamahanga cya Kigali i Kanombe, Ku Cyumweru, tariki 5 Ukwakira 2025,
Mu kiganiro yagiranye n’itangazamakuru ubwo yari akigera I Kigali yatangaje ko ari ibyishimo byinshi kuri we nyuma y’igihe kinini atahagera mu rwamubyaye kandi yishimiye kuba yakiranywe urugwiro rwinshi n’abagize muryango we ndetse nabo bahuje umwuga w’ubuhanzi
Uyu muhanzi yavuze ko ari mu Rwanda mu rwego rwo gusura umuryango, ariko kandi azanakoresha umwanya afite gukorana indirimbo nshya n’abahanzi batandukanye bo mu Rwanda.
Kugaruka kwa Eyo Fabulous mu Rwanda byitezweho kongera guhuza umuziki we n’amasoko yo mu karere, ndetse no gutanga ishusho nshya y’ubufatanye hagati y’abahanzi bo mu Rwanda n’abatuye mu mahanga.
Bitenganyijwe ko mu bahanzi ashobora kuzakorana nabo harimo umuraperi Khalfan ndetse n’abandi atigeze ashaka guhishura ariko akaba yieye neza ko mu byumweru bibiri afite hano m Rwanda aribyo kubyaza umusaruro akorana n’abandi bahanzi batandukanye
