Aristide Gahunzire ushinzwe ibikorwa bya The Mane yatangaje ko kwirukana Marina muri The Mane ntagihombo kirimo

Ubuyobozi bw’inzu ifasha abahanzi, The Music Label, buratangaza ko butari bwafatira ibihano umuhanzikazi Marina wagiye mu irushanwa atabamenyesheje ndetse n’iyo yakwirukanwa nta kosa baba bakoze kuko baba baramiye ibindi bifite agaciro.

Ibintu bikomeje kuba bibi hagati y’umuhanzikazi Marina n’inzu ireberera inyungu ze ya The Mane Music, nyuma y’aho yitabiriye irushanwa rya The Next Pop Star kandi batabyumvikanyeho.

Iri rushanwa rizahemba amafaranga miliyoni 50 ku muhanzi uzaba uwa mbere, rikomanyije imitwe ya Marina ya The Mane ku buryo binavugwa ko ashobora kwirukanwa mu gihe bari bagifite amasezerano yo gukorana kugera muri 2028.

Mu Kiganiro na Aristide Gahunzire ushinzwe ibikorwa bya The Mane Music yavuze ko Marina yarenze ku masezerano yagiranye nabo kuko ‘avuga ko ikintu cyose kijyanye n’umuziki atagomba kujyamo tutakizi tutanacyemeje.’

Aristide yongeyeho ko hari inama igomba kubahuza na Marina bagafata umwanzuro ushobora kuvamo ibihano n’ubwo avuga ko kumwirukana atari wo muti nyawo

Ati “Hari ibiganiro tugomba gukora niba ari ibihano akabihabwa, iyo umwana akosheje mu rugo ntabwo igisubizo ari ukumwirukana. Ushobora kumuganiriza akabyumva cyangwa agasaba imbabazi akavuga ko bitazongera.”

Inama nirangira imyanzuro ngo  igomba kujya hanze kuko hari abantu The Mane Music igomba ibisobanuro kuri iki kibazo cya Marina.

Abajijwe niba baramutse  bafashe icyemezo cyo kwirukana Marina bitaba ari ukwiteza igihombo kuko bamaze kumutangaho amafaranga menshi, Aristide yavuze ko nta cyaba kirimo.

“Kwirukana Marina ntabwo byaba ari ikosa kuko hari igihe umuntu yica byinshi kurusha ibyo akiza. Marina yavutse kubera The Mane aho kugira ngo wice izina ryatumye ubaho nk’umuhanzi wagenda. Rero ushyira ku munzani iyo umuntu yica byinshi kurusha ibyo akiza uramureka ukagenda amafaranga nyine uba wayamushyizemo ntacyo wabikoraho ariko ntabwo wagumana n’umuntu uri kwica ibintu byinshi.”

N’ubwo irushanwa rya The Next Pop Star rizahemba amafaranga ku muhanzi uzaritsinda, ubuyobozi bwa The Mane bwo busanga, hari igihe byakwangiza izina ry’umuhanzi n’inzu yose muri rusange.

“Abahanzi ni nk’amagi iyo urirekuye rirameneka. Twebwe rero kujya mu irushanwa ntabwo tureba amafaranga. Icya mbere amaze kumujyaho arenze miliyoni 50 icya kabiri tureba irushanwa, ibyo rigenderaho ni ibihe, ni abantu bamaze bate bagomba kuryitabira kuko ushobora kwitabira irushanwa rya miliyoni 50 ukarivamo n’izina ryawe ryangiritse kuri twebwe ni igihombo.”

Aristide Gahonzire avuga ko bategura inama izabahuza na Marina
Marina yaririmbye mu irushanwa rya The Next Pop Star

1,308 total views, 1 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published.