{"id":5228,"date":"2026-02-11T14:53:25","date_gmt":"2026-02-11T14:53:25","guid":{"rendered":"https:\/\/kigalihit.rw\/?p=5228"},"modified":"2026-02-11T14:53:25","modified_gmt":"2026-02-11T14:53:25","slug":"indirimbo-siku-za-matata-ya-nzungu-nitsinda-rya-ben-na-chance-ikomeje-gukundwa-cyane","status":"publish","type":"post","link":"https:\/\/kigalihit.rw\/2026\/02\/11\/indirimbo-siku-za-matata-ya-nzungu-nitsinda-rya-ben-na-chance-ikomeje-gukundwa-cyane\/","title":{"rendered":"Indirimbo Siku za Matata ya Nzungu n’itsinda rya Ben na Chance ikomeje gukundwa cyane"},"content":{"rendered":"

Umuramyi\u00a0 Nzungu usanzwe ukorera umurimo wo guhimbaza Imana Nzungu\u00a0 nyuma yo\u00a0 gushyira hanze Indirimbo\u00a0 Siku za Matata\u00a0 yakoranye n\u2019Itsinda\u00a0 rya Ben na\u00a0 Chance yabakeje kuba baramufashije kugera ku nzozi ze .<\/p>\n

Uyu \u00a0muramyi\u00a0 watangiye\u00a0 urugendo rwe\u00a0 rwo gucuranga piano ubu akaba yaramaze kuba umuhanzi ukomeje kubaka amateka meza\u00a0 mu baririmbyo b\u2019indirimbo zo kuramya no guhimba ashimangira ko\u00a0 ubwo yatangiraga\u00a0 uyu murimo yari azwi cyane\u00a0 mu njyana izwi nk\u2019igisirimba byamusunikiye mu kuririmba indirimbo ze .<\/p>\n

Nzungu aherutse gushyira hanze indirimbo ye ya karindwi yise \u201cSiku za Matata\u201d, yakoranye n\u2019itsinda ry\u2019abaramyi Ben na Chance, imwe mu matsinda afite izina rikomeye mu muziki wo kuramya no guhimbaza Imana mu Rwanda no hanze yarwo.<\/p>\n

Iyi ndirimbo ikomeje kwakirwa neza, ikaba ikurikiye iyo yari aherutse gushyira hanze yise \u201cIntore\u201d, yakoranye na Gisubizo Ministries.<\/p>\n

Izi ndirimbo zombi, kimwe n\u2019izindi Nzungu ateganya gushyira hanze mu minsi iri imbere, ziri mu zigize album ye ya mbere yise \u201cDufite Amashimwe\u201d.<\/p>\n

Iyi Album igaragaza urugendo rwe rw\u2019imyaka myinshi mu muziki, ikaba iriho n\u2019izindi ndirimbo yakoranye n\u2019abaramyi batandukanye barimo Israel Mbonyi, Gaby Kamanzi n\u2019abandi.<\/p>\n

Nzungu asanzwe azwi cyane nk\u2019umucuranzi wa piano, wubatse izina mu gucuranga mu buryo buhambaye igisirimba mu ndirimbo zo kuramya no guhimbaza Imana.<\/p>\n

Icyakora, kuba uyu munsi yumvikana nk\u2019umuririmbyi ufite indirimbo ze bwite, ni intambwe ikomeye ashimangira ko atari impanuka, ahubwo ari igisubizo cy\u2019urugendo rurerure n\u2019abantu bamuherekeje.<\/p>\n

Nzungu yatangarije\u00a0 umunyamakuru wacu ko \u00a0impamvu yahisemo gukorana indirimbo na Ben na Chance aria bantu asanzwe aziranye\u00a0 nabo kandi\u00a0 akunda ibikorwa\u00a0 byabo birangwa n\u2019ubuhanga buhebuje<\/p>\n

Ati: \u201cNahisemo gukorana nabo kubera ko ari inshuti zanjye. Ni abantu twakuranye, bamfashije kuzamura umuziki wanjye kuva ngitangira. Bagendaga bantinyuranya, bambwira bati \u2018washobora kuririmba\u2019, kuko njye nari nsanzwe ncuranga. Ben yakundaga kumbwira ati \u2018ugerageze no kuririmba\u2019, niyo mpamvu navuze nti aba bantu baramfashije, reka dukorane indirimbo.\u201d<\/p>\n

Uyu muramyi akomeza avuga ko Ben na Chance batari inshuti gusa, ahubwo ari n\u2019abantu afata nk\u2019icyitegererezo mu muziki.<\/p>\n

Yagize ati: \u201cIndi mpamvu yatumye mbahitamo ni uko ari abantu b\u2019ikitegererezo umuntu yakorana nabo. Numva nshaka kugera ku rwego bagezeho. Umuziki wabo bawukora neza cyane, niyo mpamvu navuze nti nakorana nabo indirimbo. Nashakaga kumva mfite \u2018collabo\u2019 nabo.\u201d<\/p>\n

Nzungu ntiyahishe ko gukorana indirimbo na Ben na Chance ari ikimenyetso gikomeye ku rugendo rwe bwite, ndetse ko bimufitiye igisobanuro cyihariye kurusha uko abantu babibona.<\/p>\n

Ati: \u201cNdikumva ari amateka kuri njye kuba mfitanye indirimbo na Ben na Chance. Hari n\u2019abandi mfite indirimbo nabo, ariko aba bo ni abantu bakomeye cyane kuri njye.\u201d<\/p>\n

Mu gihe Nzungu akomeje gutunganya album ye ya mbere, Ben na Chance bo nabo bari mu myiteguro y\u2019igitaramo gikomeye cya Pasika bateganya gukorera muri BK Arena ku wa 5 Mata 2026, kizahuza abakunzi b\u2019umuziki wo kuramya no guhimbaza Imana mu ijoro rimwe rizaba ryuzuyemo ibihe byo gushima no guhimbaza Imana.<\/p>\n

Iyi ndirimbo \u201cSiku za Matata\u201d ikomeje kugaragaza neza uko Nzungu atavuye mu gucuranga gusa, ahubwo yinjiriye mu muziki byeruye, atangiye icyiciro gishya cy\u2019urugendo rwe nk\u2019umuramyi wiyemeje kuririmba ubutumwa bufite aho bujyana, ashingiye ku mpano ye n\u2019abantu bagize uruhare mu kumugeza aho ageze uyu munsi.<\/p>\n

\"\"<\/p>\n

\"\"<\/p>\n

\"\"<\/p>\n