{"id":5551,"date":"2026-03-25T07:59:32","date_gmt":"2026-03-25T07:59:32","guid":{"rendered":"https:\/\/kigalihit.rw\/?p=5551"},"modified":"2026-03-25T07:59:32","modified_gmt":"2026-03-25T07:59:32","slug":"ingabo-za-rdf-na-tpdf-zahuriye-mu-nama-i-karangwe-muri-tanzaniya","status":"publish","type":"post","link":"https:\/\/kigalihit.rw\/?p=5551","title":{"rendered":"Ingabo za RDF na TPDF zahuriye mu nama i Karangwe muri Tanzaniya"},"content":{"rendered":"

Abayobozi b\u2019Ingabo z\u2019u Rwanda (RDF) n\u2019Ingabo za Tanzania (TPDF) bahuriye mu Karere ka Karagwe mu Nama ya 15 y\u2019Abayobozi b\u2019Ingabo bakorera ku mipaka, igamije gukemura ibibazo by\u2019umutekano byo ku mipaka no gukomeza kunoza ubufatanye hagati y\u2019ibihugu byombi.<\/p>\n

Iyi nama izamara iminsi itatu, kuva tariki ya 24 kugeza ku ya 26 Werurwe 2026, ihuje Diviziyo ya 5 y\u2019Ingabo zirwanira ku butaka za RDF na Burigade ya 202 y\u2019Ingabo zirwanira ku butaka za TPDF, zikorera mu duce twegereye umupaka uhuza u Rwanda na Tanzania.<\/p>\n

Itsinda rya RDF riyobowe na Major General Ruki Karusisi, Umuyobozi wa Diviziyo ya 5 y\u2019Ingabo zirwanira ku butaka, mu gihe irya TPDF riyobowe na Brigadier General Gabriel Elias Kwiligwa, Umuyobozi wa Burigade ya 202 y\u2019Ingabo zirwanira ku butaka.<\/p>\n

Ku munsi wa mbere, abayobozi basuye uduce tw\u2019ingenzi twegereye umupaka hagamijwe gusuzuma ibibazo by\u2019umutekano bihari no kuganira n\u2019abaturage bahatuye. Izi ngendo zibanze ku gukangurira abaturage kwirinda kwambuka imipaka mu buryo bunyuranyije n\u2019amategeko ndetse no kwirinda kuroba mu buryo butemewe mu mazi asangiwe n\u2019ibihugu byombi.<\/p>\n

Aya matsinda yasuye uduce duturiye umupaka turimo imidugudu ya Nyarubare na Katwe yo mu Karere ka Kyerwa, ndetse n\u2019umudugudu wa Nyakakoni mu Murenge wa Kayisho ku ruhande rwa Tanzania, uhana imbibi n\u2019Umurenge wa Rwimiyaga mu Rwanda. Aho hantu harangwa n\u2019inzira zitemewe, zirimo ibiyaga, inzuzi n\u2019ibishanga by\u2019umwihariko Umugezi wa Akagera, bikunze gukoreshwa mu kwambuka mu buryo butemewe.<\/p>\n

Abayobozi bagaragaje ko aha hantu ari ahifashishwa cyane mu bucuruzi bwa magendu n\u2019ibindi bikorwa binyuranyije n\u2019amategeko byambukiranya imipaka, bashimangira ko hakenewe ingamba zihutirwa zo kubikumira no kongera imbaraga mu bufatanye bugamije guhagarika ingendo zitemewe no kurushaho kubungabunga umutekano ku mipaka muri rusange.<\/p>\n

\"\"<\/p>\n

\"\"<\/p>\n

\"\"<\/p>\n","protected":false},"excerpt":{"rendered":"

Abayobozi b\u2019Ingabo z\u2019u Rwanda (RDF) n\u2019Ingabo za Tanzania (TPDF) bahuriye mu Karere ka Karagwe mu Nama ya 15 y\u2019Abayobozi b\u2019Ingabo bakorera ku mipaka, igamije gukemura ibibazo by\u2019umutekano byo ku mipaka no gukomeza kunoza ubufatanye hagati y\u2019ibihugu byombi. Iyi nama izamara iminsi itatu, kuva tariki ya 24 kugeza ku ya 26 Werurwe 2026, ihuje Diviziyo ya<\/p>\n","protected":false},"author":2,"featured_media":5555,"comment_status":"open","ping_status":"open","sticky":false,"template":"","format":"standard","meta":{"pagelayer_contact_templates":[],"_pagelayer_content":"","_monsterinsights_skip_tracking":false,"footnotes":""},"categories":[116,55],"tags":[],"class_list":["post-5551","post","type-post","status-publish","format-standard","has-post-thumbnail","hentry","category-kh","category-mu-mahanga"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t