{"id":5889,"date":"2026-04-03T10:05:59","date_gmt":"2026-04-03T10:05:59","guid":{"rendered":"https:\/\/kigalihit.rw\/?p=5889"},"modified":"2026-04-03T10:05:59","modified_gmt":"2026-04-03T10:05:59","slug":"nyamasheke-manirabona-corneille-wimyaka-30-ucyekwaho-gusambanya-umwana-we-wumukobwa-wimyaka-6-yaburiwe-irengero","status":"publish","type":"post","link":"https:\/\/kigalihit.rw\/?p=5889","title":{"rendered":"NYAMASHEKE: Manirabona Corneille w\u2019imyaka 30 ucyekwaho gusambanya umwana we w’umukobwa w’imyaka 6 yaburiwe irengero"},"content":{"rendered":"

Manirabona Corneille w\u2019imyaka 30 y\u2019amavuko, wo mu Mudugudu wa Mataba, Akagari ka Nyakabingo, Umurenge wa Macuba, Akarere ka Nyamasheke, arashakishwa akurikiranyweho icyaha cyo gusambanya umwana w\u2019imyaka itandatu y\u2019amavuko yibyariye.\u00a0<\/strong><\/p><\/blockquote>\n

Amakuru y\u2019uko Maniragaba yasambanyije umwana we w\u2019imfura, yatanzwe na nyina w\u2019umwana akaba n\u2019umugore we Mukamana Charlotte w\u2019imyaka 28 y\u2019amavuko, bikimara kuba.<\/p>\n

Umwe mu bayobozi b\u2019Inzego z\u2019ibanze yabwiye Imvaho Nshya dukesha iyi nkuru ko Maniragaba na Mukamana Charlotte bafitanye abana babiri, umuto we akaba akiri uruhinja.<\/p>\n

Ati: \u201cAmakuru twahawe n\u2019umugore yaduhuruje ni uko, ubwo bari bagiye kuryama ahagana saa yine z\u2019ijoro, umugabo ari bwo agitaha yasinze, umugore yabanje kujya konsa umwana muto mu cyumba bararamo, umugabo avuga ko agiye kumanikira uyu mwana w\u2019imyaka 6 inzitiramibu mu cyumba araramo. Uyu mwana wiga mu ishuri ry\u2019inshuke arara wenyine.\u201d<\/p>\n

Akomeza avuga ko ubwo Maniragaba yageraga mu cyumba cy\u2019umwana we umugore we yumvise umwana ataka cyane agiye kureba asanga umugabo we arimo kuzamura imyambaro yari yambaye irimo n\u2019uw\u2019imbere.<\/p>\n

Mukamana yabajije umwana we igituma ataka abona n\u2019ubundi akomeje kurira, umwana amubwira ko se yari amuri hejuru ari kumusambanya.<\/p>\n

Umwe mu bayobozi b\u2019Inzego z\u2019ibanze yagize ati: \u201cYatubwiye ko yarebye ku gitsina cy\u2019umwana abona umwana yangiritse cyane. Kuko nta telefoni uyu mugore afite yari kumufasha guhita atabaza vuba, yasohokanye umwana, atabaza abaturanyi n\u2019ubuyobozi bw\u2019Umudugudu.\u201d<\/p>\n

Umukuru w\u2019Umudugudu wa Mataba, Ndamwizeye Joseph yazanye n\u2019abanyerondo n\u2019uwo mugore wari uvuye kubahuruza basanga umugabo yafashe imwe mu myenda ye aratorongera.<\/p>\n

Yabwiye Imvaho Nshya ko bakihagerana n\u2019abaturage, Irondo n\u2019abandi bakorana mu Mudugudu, yihutiye kujyana uwo mwana ku Kigo Nderabuzima cya Hanika, bahuta bamwohereza ku Bitaro bya Kibogora.<\/p>\n

Ati: \u201cTwaratabaye nihutira gufasha nyina w\u2019umwana kumugeza kwa muganga, se turamushakisha turamubura n\u2019ubu aracyashakishwa.\u201d<\/p>\n

Mudugudu Ndamwizeye akomeza avuga ko byabaye hashize iminsi itatu gusa bavuye kubunga kuko ari umuryango uhora mu makimbirane, umugore ashinja umugabo kutagira icyo amarira urugo kubera ubusinzi bukabije.<\/p>\n

Ubwo baherukaga muri uwo muryango,\u00a0\u00a0umugabo yababwiye ko yumva urwo rugo yaruta akigendera, basiga babaganirije bakeka ko uwo mugabo yumvise.<\/p>\n

Umunyamabanga Nshingwabikorwa w\u2019Umurenge wa Macuba, Munezero Ivan avuga ko gusambanya umwana muto wibyariye ari amahano ndengakamere, uyu mugabo akaba akomeje gushakishwa ngo ashyikirizwe ubutabera.<\/p>\n

Ati: \u201cYaracitse ahita agenda. Amakuru y\u2019uko asize yangije uwo mwana we yatanzwe na nyina w\u2019umwana. Umwana yagejejwe ku Bitaro bya Kibogora, umubyeyi yamaze gutanga ikirego kuri RIB, uwo mugabo aracyashakishwa.\u201d<\/p>\n

Yaboneyeho gusaba ababyeyi kwirinda kubangamira uburenganzira bw\u2019abana, baba ababo cyangwa ab\u2019abandi, ko amategeko ahana yihanukiriye ababahohohotera bangiza ahazaza habo.<\/p>\n","protected":false},"excerpt":{"rendered":"

Manirabona Corneille w\u2019imyaka 30 y\u2019amavuko, wo mu Mudugudu wa Mataba, Akagari ka Nyakabingo, Umurenge wa Macuba, Akarere ka Nyamasheke, arashakishwa akurikiranyweho icyaha cyo gusambanya umwana w\u2019imyaka itandatu y\u2019amavuko yibyariye.\u00a0 Amakuru y\u2019uko Maniragaba yasambanyije umwana we w\u2019imfura, yatanzwe na nyina w\u2019umwana akaba n\u2019umugore we Mukamana Charlotte w\u2019imyaka 28 y\u2019amavuko, bikimara kuba. Umwe mu bayobozi b\u2019Inzego z\u2019ibanze<\/p>\n","protected":false},"author":4,"featured_media":5893,"comment_status":"open","ping_status":"open","sticky":false,"template":"","format":"standard","meta":{"pagelayer_contact_templates":[],"_pagelayer_content":"","_monsterinsights_skip_tracking":false,"footnotes":""},"categories":[116,53],"tags":[],"class_list":["post-5889","post","type-post","status-publish","format-standard","has-post-thumbnail","hentry","category-kh","category-mu-rwanda"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t