{"id":6375,"date":"2026-04-15T16:47:03","date_gmt":"2026-04-15T16:47:03","guid":{"rendered":"https:\/\/kigalihit.rw\/?p=6375"},"modified":"2026-04-15T16:47:03","modified_gmt":"2026-04-15T16:47:03","slug":"perezida-paul-kagame-yitabiriye-irahirwa-rya-sassou-nguesso-i-brazzavile","status":"publish","type":"post","link":"https:\/\/kigalihit.rw\/?p=6375","title":{"rendered":"Perezida Paul Kagame yitabiriye irahirwa rya Sassou Nguesso I Brazzavile"},"content":{"rendered":"

Perezida Paul Kagame yageze i Brazzaville, aho azitabira umuhango w\u2019irahira rya Perezida Sassou Nguesso wongeye gutorerwa kuyobora Repubulika ya Kongo.<\/p>\n

Perezida Kagame yageze i Brazzaville kuri uyu wa Gatatu, tariki ya 15 Mata 2026, yakirwa na Minisitiri w\u2019Intebe Anatole Collinet Makosso.<\/p>\n

Umuhango w\u2019irahira rya Perezida Sassou Nguesso uteganyijwe ejo ku wa Kane, tariki ya 16 Mata 2026.<\/p>\n

Perezida wa Repubulika ya Congo, Denis Sassou Nguesso, yongeye gutorerwa kuyobora igihugu ku nshuro ya gatanu yikurikiranya, mu matora yabaye ku wa 15 Werurwe 2026, aho yatsinze ku bwiganze bw\u2019amajwi\u00a094,82%.<\/p>\n

Uyu mukuru w\u2019igihugu, uhagarariye ishyaka rya Parti congolais du travail, yabaye Perezida bwa mbere mu 1979, aza kuva ku butegetsi mu 1992 nyuma y\u2019amatora ya mbere ya demokarasi, aza kongera kugaruka ku butegetsi mu 1997 nyuma y\u2019intambara y\u2019imbere mu gihugu yamaze amezi ane.<\/p>\n

Ku rundi ruhande Perezida Kagame na Perezida Sassou Nguesso bafitanye umubano w\u2019igihe kirekire, byumwihariko ushingira ku bushuti bw\u2019ibihugu byombi.<\/p>\n

Mu ruzinduko rwa Perezida Nguesso mu Rwanda muri Nyakanga 2023, Perezida Kagame yamwambitse umudali w\u2019icyubahiro mu rwego rwo kumushimira umusanzu we mu gushyigikira iterambere rya Afurika.<\/p>\n

Mu rwego rwo gushimangira ubucuti bw umwihariko, Perezida Kagame yagabiye Nguesso inka z\u2019Inyambo mu rwuri rwe ruri i Kibugabuga mu Karere ka Bugesera, ikimenyetso gakondo kigaragaza igihango kidatezuka.<\/p>\n

Uretse ubucuti bw\u2019abayobozi, u Rwanda na Repubulika ya Congo bifitanye imishinga ikomeye y\u2019ubutwererane mu buhinzi, ubucukuzi bw\u2019amabuye y\u2019agaciro, ndetse n\u2019ubwikorezi bwo mu kirere aho sosiyete ya RwandAir ikora ingendo hagati y\u2019i Kigali na Brazzaville kuva mu mwaka wa 2011.<\/p>\n

\"\"<\/p>\n

\"\"<\/p>\n

 <\/p>\n","protected":false},"excerpt":{"rendered":"

Perezida Paul Kagame yageze i Brazzaville, aho azitabira umuhango w\u2019irahira rya Perezida Sassou Nguesso wongeye gutorerwa kuyobora Repubulika ya Kongo. Perezida Kagame yageze i Brazzaville kuri uyu wa Gatatu, tariki ya 15 Mata 2026, yakirwa na Minisitiri w\u2019Intebe Anatole Collinet Makosso. Umuhango w\u2019irahira rya Perezida Sassou Nguesso uteganyijwe ejo ku wa Kane, tariki ya 16<\/p>\n","protected":false},"author":2,"featured_media":6380,"comment_status":"open","ping_status":"open","sticky":false,"template":"","format":"standard","meta":{"pagelayer_contact_templates":[],"_pagelayer_content":"","_monsterinsights_skip_tracking":false,"footnotes":""},"categories":[116,53],"tags":[],"class_list":["post-6375","post","type-post","status-publish","format-standard","has-post-thumbnail","hentry","category-kh","category-mu-rwanda"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t