{"id":6456,"date":"2026-04-17T10:36:26","date_gmt":"2026-04-17T10:36:26","guid":{"rendered":"https:\/\/kigalihit.rw\/?p=6456"},"modified":"2026-04-17T10:36:26","modified_gmt":"2026-04-17T10:36:26","slug":"papa-leon-xiv-yanenze-abanyamahanga-basahura-afurika","status":"publish","type":"post","link":"https:\/\/kigalihit.rw\/?p=6456","title":{"rendered":"Papa L\u00e9on XIV yanenze abanyamahanga basahura Afurika"},"content":{"rendered":"

Mu ruzinduko amazemo\u00a0 iminsi muri Cameroun Umushuma wa Kiliziya\u00a0 Gatolika\u00a0 Papa\u00a0 L\u00e9on XIV yatanze ubutumwa bukomeye anenga ibikorwa byo gusahura umutungo wa Afurika bikorwa n\u2019abaturuka hanze y\u2019umugabane.<\/p>\n

Ibi yabivugiye mu misa yabereye mu mujyi wa\u00a0 Bamenda uherereye mu majyaruguru ashyira iburengerazuba bwa Cameroun\u00a0 , aho yibanze ku bibazo byugarije umugabane w\u2019Afurika birimo ubukene, amakimbirane n\u2019ikorwa ry\u2019ubucuruzi ridaha agaciro abaturage.<\/p>\n

Mu ijambo rye, Papa L\u00e9on XIV yavuze ko hari \u201cibibi bituruka hanze\u201d bikomeje kudindiza iterambere rya Afurika, cyane cyane binyuze mu gusahura umutungo kamere no gushyira imbere inyungu z\u2019amahanga kurusha iz\u2019abaturage.<\/p>\n

Yagize ati: \u201cAfurika igomba kubaho mu bwigenge nyabwo, aho umutungo wayo ugenzurwa kandi ukagirira akamaro abaturage bayo.\u201d<\/p>\n

Yakomeje asaba abayobozi b\u2019ibihugu bya Afurika gufata iya mbere mu kurengera umutungo w\u2019ibihugu byabo no kurwanya ruswa n\u2019akarengane.<\/p>\n

Muri iyo misa, Pope Leo XIV yanagarutse ku kamaro k\u2019amahoro n\u2019ubutabera nk\u2019ishingiro ry\u2019iterambere rirambye. Yashimangiye ko amahoro adashoboka mu gihe abaturage batabona uburenganzira bwabo ku mutungo w\u2019igihugu.<\/p>\n

Yanibukije abakristu n\u2019abaturage muri rusange ko bafite inshingano zo kubaka sosiyete irangwa n\u2019ubutabera, ubufatanye n\u2019ubumwe.<\/p>\n

Uru ruzinduko rwa Papa L\u00e9on\u00a0 XIV muri Afurika rukomeje kugaragaza akamaro k\u2019umugabane ku rwego mpuzamahanga, aho akomeje gushimangira ko Afurika ifite uruhare runini mu iterambere ry\u2019isi, ariko ikeneye kurindwa ibikorwa biyisahura.<\/p>\n

iyi misa yabereye i Bamenda, yitabiriwe n\u2019abakirisitu bagera ku bihumbi 20, barimo bamwe bari bambaye imyambaro gakondo, ndetse n\u2019abayobozi ba Kiliziya barimo abakaridinali, abasenyeri, abapadiri, abihayimana n\u2019abandi.<\/p>\n

Uyu muhango w\u2019igitambo cya misa waranzwe n\u2019ikirere cy\u2019ibyishimo, cyane cyane bitewe n\u2019indirimbo z\u2019korali igizwe n\u2019abantu bagera kuri 500, bagaragaje ibyishimo n\u2019ishyaka mu kuririmba.<\/p>\n

Mu ijambo rye, Umushumba Mukuru wa Bamenda, Andrew Nkea Fuanya, yashimiye byimazeyo Pope Leo XIV ku ruzinduko yagiriye muri ako gace.<\/p>\n

Yagize ati:\u201cUru ruzinduko rwanyu rwatuzaniye imbaraga nshya z\u2019umwuka, rudutera umutima, rudutera inkunga mu mitekerereze ndetse ruratwongerera ihumure.\u201d<\/p>\n

Yakomeje agaragaza ko uku kuza kwa Papa kwabafashije kongera icyizere, avuga ko:\u201cMwaje nk\u2019Umushumba mwiza utigera atererana umukumbi we, kandi kuba muri hano byaduteye imbaraga zo gukomeza.\u201d<\/p>\n

Aya magambo agaragaza uburyo uru ruzinduko rwa Papa L\u00e9on XIV rwakiriwe neza n\u2019abaturage, cyane cyane mu gihe aka karere kari kakeneye ubutumwa bw\u2019ihumure, amahoro n\u2019icyizere.<\/p>\n

Abasesenguzi bavuga ko ubu butumwa bushobora kugira ingaruka zikomeye mu biganiro mpuzamahanga ku bijyanye n\u2019ubucuruzi, umutungo kamere n\u2019ubwigenge bw\u2019ibihugu bya Afurika.<\/p>\n

\"\"<\/p>\n

\"\"<\/p>\n","protected":false},"excerpt":{"rendered":"

Mu ruzinduko amazemo\u00a0 iminsi muri Cameroun Umushuma wa Kiliziya\u00a0 Gatolika\u00a0 Papa\u00a0 L\u00e9on XIV yatanze ubutumwa bukomeye anenga ibikorwa byo gusahura umutungo wa Afurika bikorwa n\u2019abaturuka hanze y\u2019umugabane. Ibi yabivugiye mu misa yabereye mu mujyi wa\u00a0 Bamenda uherereye mu majyaruguru ashyira iburengerazuba bwa Cameroun\u00a0 , aho yibanze ku bibazo byugarije umugabane w\u2019Afurika birimo ubukene, amakimbirane n\u2019ikorwa<\/p>\n","protected":false},"author":2,"featured_media":6460,"comment_status":"open","ping_status":"open","sticky":false,"template":"","format":"standard","meta":{"pagelayer_contact_templates":[],"_pagelayer_content":"","_monsterinsights_skip_tracking":false,"footnotes":""},"categories":[116,55],"tags":[],"class_list":["post-6456","post","type-post","status-publish","format-standard","has-post-thumbnail","hentry","category-kh","category-mu-mahanga"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t