![\"\"](\"https:\/\/kigalihit.rw\/wp-content\/uploads\/2026\/05\/IMG-20260529-WA00561.jpg\")
<\/p>\nUmuhanzi nyarwanda Lona Glory, uba muri Leta Zunze Ubumwe za Amerika (USA), yongeye kugaragaza ko afite gahunda yo gukomeza kwagura ibikorwa bye bya muzika ku rwego mpuzamahanga, nyuma yo gushyira hanze indirimbo nshya yise \u201cAll Eyes On Me\u201d, yakoranye n\u2019umuhanzi Kay Macky wo muri Zambia.<\/p>\n
Iyi ndirimbo yatangiye kugera ku bakunzi b\u2019umuziki mu buryo bw\u2019amajwi n’amashusho ku mbuga zitandukanye zicuruzwaho umuziki. Mu kiganiro yagiranye n\u2019itangazamakuru, Lona Glory yavuze ko \u201cAll Eyes On Me\u201d ari imwe mu ndirimbo zifite umwanya wihariye mu mishinga ateganyiriza abafana be muri iyi mpeshyi. Yagaragaje ko iyi ndirimbo yaje ikurikira izindi yari aherutse gushyira hanze zirimo \u201cEbelebe\u201d na \u201c4×4\u201d, zikomeje kumufasha kugera ku bakunzi b\u2019umuziki bo hirya no hino.<\/p>\n
Asobanura impamvu yahisemo kuyita \u201cAll Eyes On Me\u201d, Lona Glory yavuze ko iri zina rifite ishusho y\u2019urugendo rw\u2019umuhanzi uba ugeze aho ibikorwa bye bitangira gukurikirwa n\u2019abantu benshi amaso yose amwerekejeho.<\/p>\n
Yagize ati: \u201cAll Eyes On Me ni ubutumwa bwo kwigirira icyizere no gukomeza gukora cyane nubwo uba uzi ko abantu benshi bakureba cyangwa bagukurikirana. Ni izina ryerekana ko igihe kigera ugasanga ibyo ukora byatangiye kwitabwaho, bityo bikagusaba gukomeza gukora ibirenze ibyo abantu bategereje.\u201d<\/p>\n
Ku bijyanye n\u2019imikoranire ye na Kay Macky, yavuze ko uyu muhanzi wa Zambia ari umwe mu bafite impano zidasanzwe ndetse bafite icyerekezo gihuje mu muziki.<\/p>\n
Yasobanuye ko ubuhanga bwa Kay Macky n\u2019uburyo ashyira amarangamutima mu bihangano bye ari bimwe mu byatumye bemeranya gukora uyu mushinga. Yongeyeho ko gukorana n\u2019abahanzi bo mu bihugu bitandukanye bifasha umuziki kugera ku isoko rinini kandi rikagutera gukomeza kwagura imitekerereze yawe nk\u2019umuhanzi.<\/p>\n
Uyu muhanzi yanagarutse ku mubano afitanye n\u2019umuziki nyarwanda, avuga ko nubwo amaze igihe akorera ibikorwa bye hanze y\u2019u Rwanda, agifite inyota yo gukorana n\u2019abahanzi bo mu gihugu cye anavuga ko bamwe mu bo yifuza kuzakorana nabo harimo Chriss Eazy,Kevin Kade ,Bushali n’abandi.<\/p>\n
Yavuze ko hari impano nyinshi mu Rwanda kandi ko adashidikanya ko mu bihe biri imbere ashobora gukorana n\u2019umwe cyangwa benshi muri bo, igihe haboneka umushinga ufite intego n\u2019icyerekezo bihuje n\u2019ibye.<\/p>\n
Ku bijyanye n\u2019iterambere ry\u2019umuziki mu Rwanda, Lona Glory yavuze ko abona urwego rw\u2019umuziki n\u2019imyidagaduro muri rusange rugenda rutera imbere ku muvuduko ushimishije.<\/p>\n
Yagize ati: \u201cU Rwanda rufite impano nyinshi kandi urwego rw\u2019imyidagaduro rugenda rwaguka. Hari byinshi byamaze kugerwaho kandi nizera ko mu myaka iri imbere umuziki nyarwanda uzarushaho kugira ijambo rikomeye ku rwego mpuzamahanga.\u201d<\/p>\n
Agaruka ku ndirimbo \u201c4×4\u201d aheruka gushyira hanze, yavuze ko yakiriwe neza n\u2019abakunzi b\u2019umuziki ndetse ko ubutumwa n\u2019ibitekerezo byiza bagiye bamuha ari byo byamuteye imbaraga zo gukomeza gukora ibihangano bishya.<\/p>\n
Yavuze ko ubutumwa bukubiye muri \u201cAll Eyes On Me\u201d bugamije guha abantu icyizere cyo gukomeza gukurikirana inzozi zabo no kudacika intege kubera ibitekerezo by\u2019ababaca intege cyangwa imbogamizi bahura na zo mu buzima.<\/p>\n
Mu gusoza, yashimiye abafana be bose bakomeje kumushyigikira kuva yatangira urugendo rwa muzika, abasaba gukomeza gukurikirana ibikorwa bye no kwakira neza uyu mushinga mushya.<\/p>\n
Indirimbo \u201cAll Eyes On Me\u201d iraboneka ku mbuga zitandukanye z\u2019umuziki ibintu abafana ba Lona Glory bavuga ko bitezeho kubona indi ntambwe nshya mu rugendo rw\u2019uyu muhanzi uri gukomeza kwagura ibikorwa bye ku rwego mpuzamahanga.<\/p>\n
<\/p>\n
![\"\"](\"https:\/\/kigalihit.rw\/wp-content\/uploads\/2026\/05\/IMG-20260529-WA00501.jpg\")
<\/p>\n
Kanda hano urebe amashusho y’indirimbo nshya “All Eyes on me” ya Lona Glory yakoranye na Kay Macky \ud83d\udc47\ud83c\udffe<\/strong><\/p>\n