{"id":8921,"date":"2026-07-14T12:31:49","date_gmt":"2026-07-14T12:31:49","guid":{"rendered":"https:\/\/kigalihit.rw\/?p=8921"},"modified":"2026-07-14T12:31:49","modified_gmt":"2026-07-14T12:31:49","slug":"min-murangwa-yusuf-yeretse-loni-ibanga-u-rwanda-rwifashisha-ryageza-ibindi-bihugu-ku-ntego-ziterambere-rirambye","status":"publish","type":"post","link":"https:\/\/kigalihit.rw\/?p=8921","title":{"rendered":"Min. Murangwa Yusuf yeretse Loni ibanga u Rwanda rwifashisha ryageza ibindi bihugu ku Ntego z\u2019Iterambere Rirambye"},"content":{"rendered":"

Minisitiri w\u2019Imari n\u2019Igenamigambi, Yusuf Murangwa yagaragarije ibihugu bigize Loni ko kwihutisha kugera ku Ntego z\u2019Iterambere Rirambye (SDGs) bisaba ko ibihugu bigira igenamigambi rirambye, politiki zihamye no kubaka inzego zikora neza mu bukungu buzamura mibereho myiza y\u2019abaturage.<\/strong><\/em><\/p><\/blockquote>\n

 <\/p>\n

Yabigarutseho ku wa 13 Nyakanga 2026 ubwo yari ku cyicaro cy\u2019Umuryango w\u2019Abibumbye muri Amerika.<\/p>\n

Ministiri Murangwa we na Ambasaderi Martin Ngoga uhagarariye u Rwanda muri Loni, bari bitabiriye Inama y\u2019Abaminisitiri yo ku rwego rwo hejuru iri kwiga ku iterambere rirambye kuva ku itariki 13-15 Nyakanga 2026.<\/p>\n

Murangwa ibihugu bihuriye ku nshingano imwe yo kugeza abaturage ku mibereho myiza mbere ya 2030, ari na wo mwaka washyizweho ngo ibihugu byose bizabe bigeze kuri izi ntego.<\/p>\n

Ati \u201cInararibonye ryacu rigaragaza ko kwihutisha uburyo bwo kugera ku Ntego z\u2019Iterambere Rirambye bishoboka iyo bishyizwe mu byihutirwa igihugu cyiyemeje. Bigomba kuba kandi bishyigikiwe na politiki nziza, inzego zihamye ndetse n\u2019ishoramari ritanga umusaruro urambye mu bukungu no mu mibereho myiza y\u2019abaturage.\u201d<\/p>\n

Murangwa yagaragaje ko u Rwanda rwateye intambwe igaragara mu bukungu no mu mibereho myiza y\u2019abaturage mu myaka yashize, bivuye ku buyobozi bufite icyerekezo, igenamigambi ry\u2019igihe kirekire no gushyira imbere iterambere rishingiye ku baturage.<\/p>\n

Ygaragaje ko hagati ya 2021 na 2025, ubukungu bw\u2019u Rwanda bwazamukaga ku mpuzandengo ya 9% buri mwaka, mu gihe ubukene bwagabanyutse buva kuri 39,8% mu 2017 bugera kuri 27,4% mu 2024.<\/p>\n

Ibyo kandi byajyanye no kuzamuka kw\u2019icyizere cyo kubaho cy\u2019Abanyarwanda aho cyageze ku myaka 70,2 mu 2025, bishimangira ko urugendo rugana kuri izo ntego rutagarukiye mu kuzamura ubukungu gusa.<\/p>\n

Ati \u201cIbi ntabwo ari imibare yo mu by\u2019ubukungu gusa. Bigaragaza ko imibereho yarushijeho kuba myiza, abaturage babonye amahirwe menshi, ubushobozi bwo guhangana n\u2019ibibazo ari byo biganisha ku kugera ku ntego nyinshi z\u2019iterambere rirambye.\u201d<\/p>\n

Yongeyeho ko kugabanya ubukene byagize uruhare rukomeye mu kuzamura izindi nzego zirimo ubuzima, uburezi, imirire, guhanga imirimo no guteza imbere ubukungu budaheza.<\/p>\n

Yasobanuye ko byaturutse ku kuba u Rwanda rwarashyize imbere igenamigambi ry\u2019igihe kirekire, ishoramari mu kuzamura ubushobozi bw\u2019abaturage ndetse no kubaka inzego zifite ubushobozi bwo gushyira mu bikorwa gahunda za Leta.<\/p>\n

Intego 17 z\u2019Iterambere Rirambye zashyizweho na Loni mu 2015 ngo zizabe zagezweho mu 2030 aho zibanda ku kurandura ubukene, kurengera ibidukikije, kubaka ubukungu n\u2019amahoro ku bautuye Isi.<\/p>\n

Minisiteri y\u2019Imari n\u2019Igenamigambi mu ntanguriro za 2026 yagaragaje ko ko u Rwanda rumaze gutera intambwe ishimishije mu kugera kuri izo ntego kuko 28% by\u2019ibipimo byazo u Rwanda rwamaze kubigeraho cyangwa biri mu nzira nziza yo kugerwaho.<\/p>\n

Ni mu gihe 53% byazo bigaragaza ko hari intambwe iri guterwa, ariko ikiri nkeya ugereranyije n\u2019ibikenewe nago 19% by\u2019intego n\u2019ibipimo by\u2019izo nteho byari biri gusubira inyuma zikeneye kongerwamo imbaraga nyinshi.<\/p>\n

<\/p>\n
Min. Murangwa Yusuf yeretse Loni ibanga u Rwanda rwifashisha ryageza ibindi bihugu ku Ntego z\u2019Iterambere Rirambye<\/div>\n<\/div>\n","protected":false},"excerpt":{"rendered":"

Minisitiri w\u2019Imari n\u2019Igenamigambi, Yusuf Murangwa yagaragarije ibihugu bigize Loni ko kwihutisha kugera ku Ntego z\u2019Iterambere Rirambye (SDGs) bisaba ko ibihugu bigira igenamigambi rirambye, politiki zihamye no kubaka inzego zikora neza mu bukungu buzamura mibereho myiza y\u2019abaturage.   Yabigarutseho ku wa 13 Nyakanga 2026 ubwo yari ku cyicaro cy\u2019Umuryango w\u2019Abibumbye muri Amerika. Ministiri Murangwa we na<\/p>\n","protected":false},"author":4,"featured_media":8924,"comment_status":"open","ping_status":"open","sticky":false,"template":"","format":"standard","meta":{"pagelayer_contact_templates":[],"_pagelayer_content":"","_monsterinsights_skip_tracking":false,"footnotes":""},"categories":[116,55,53],"tags":[],"class_list":["post-8921","post","type-post","status-publish","format-standard","has-post-thumbnail","hentry","category-kh","category-mu-mahanga","category-mu-rwanda"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t