Isaha Ihenze cristiano Ronaldo yagaragaye yambaye ikomeje kuvugisha benshi

Cristiano Ronaldo, rutahizamu wa Juventus yitegura gucakirana na Manchester United yahoze akinira , uyu mugabo ukunzwe cyane na Benshi ku munsi w’ejo mu kiganiro n’abanyamakuru yagaragaye yambaye isaha ikomeje kuvugisha benshi kubera agaciro kayo bivugwa ko igura miliyoni 2.3 z’amadolari .

Iyo saha yakozwe hagendewe ku isaha ya Caviar Tourbillon yakozwe n’inzu ya Jacob&Co isanzwe ifitanye amasezerano na Cristiano kuva mu 2013.

Ubusanzwe iyi saha igura miliyoni 1.8 y’amapound (asaga miliyoni 2.3 z’amadolari), iya Cristiano ifite umwihariko wo kuba ikozwe na diyama zigera kuri 424.

Daily Mail ivuga ko umuhanzi WizKid nawe yagaragaye yambaye isaha ijya kumera nk’iyi ariko yakozwe na Franck Muller, aho yemeza ko yayiguze miliyoni 1.2$.

Isaha ya Jacob&Co, Cristiano yari yambaye, ije nyuma y’indi ikorwa n’iyi nzu yo mu bwoko bwa H24, ifite diyama zingana na kara (Carats) 15.24 aherutse kugaragara afite ku kuboko, yo igura ibihumbi 100 by’amapound.

Si we gusa ariko wambara isaha ihenze ikorwa n’iyi nzu, kuko Forbes ivuga ko Floyd Mayweather, uzwi mu iteramakofe yambara ifite agaciro ka miliyoni 14 z’amapound.

Muri iki kiganiro n’itangazamakuru, Cristiano yongeye kugaruka ku birego bimushinja gufata ku ngufu, avuga ko azi neza ko ari umwere kandi yizeye ko abamwunganira mu mategeko bazatsinda urubanza.

Kathryn Mayorga w’imyaka 34 ashinja Cristiano kuba mu 2009 yaramufashe ku ngufu, nyuma akaza kumwishyura ibihumbi 288 by’amapound ngo aceceke.

 

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.