La Tropicale Amissa Bongo: Munyaneza yegukanye umwanya wa 3

Intera y’umunsi wa mbere yareshyaga na kilometero 100 abasiganwa baturukaga mu mujyi wa Bongoville berekeza Moanda.

Isiganwa ryatangiwe n’abakinnyi 90 bagize amakipe 15. Abakinnyi bakoze iyi ntera batorehewe n’ubushyuhe bw’ikirere kuko bwari kuri  32 Celcius.

Munyaneza Didier ni umwe mu bakinnyi bigaragaje kuri uyu wa mbere kuko yihiriwe muri “Break away” aho yakoze kilometero 94 we n’abakinnyi babiri, umunya Maroc Mohamed Tasmana n’umunya Eritrea Sirak Tesfom.

N’ubwo batabashije gushyira intera nini hagati y’abo n’abari babakurikiye, aba bakomeje kwijyana kugeza ubwo ikipe Arkéa-Samsic na Pro Touch zo muri Afurika y’epfo zakoraga akazi gakomeye ko kubagarura maze igikundi kibafata bageze muri kilometero 18 mbere yo kugera ku murongo w’irangiza.

Arkéa-Samsic yakoze ibishoboka byose ngo ifashe Griepel kwegukana intsinzi ariko Bonifazzio amutanga ku murongo.

Abanyarwanda batanu barangije ku bihe bimwe na Bonifazzio naho Munyaneza ahagera nyuma y’amasegonda 42.

Yahembwe nk’umukinnyi ukiri muto witwaye neza ndetse ku rutonde rusange afata umwanya wa gatatu kubera ibihembo yagiye atsindira mu nzira bikamuhesha amasegonda y’agahimbazamusyi.

Etape ya mbere yarangiye abasiganwa bari mu gikundi kinini ariko Niccolo Bonifazzio wo mu Butaliyani  abatanga mu murongo akoresheje 2h 43’ 23.

Abakurikirana uyu mukino bavuga ko isiganwa ry’uyu mwaka rikomeye kuko ririmo amakipe akomeye n’abakinnyi b’ibihangange bamenyerewe mu marushanwa akomeye nka Tour de France na Giro d’Italia.

Ku isonga hari umudage Andre Griepel, watsinze amasiganwa 155 kuva yatangira gukina harimo n’ayo muri Tour de France.

Ubwo yakinaga uyu mukino ku nshuro ye ya mbere uyu  mugabo w’imyaka 36 ukinira ikipe ya Arkéa-Samsic yo mu Bufaransa yegukanye umwanya wa gatatu.

Undi uhanzwe amaso ni umunya Eritrea Daniel Teklemanot utaherukaga kugaragara mu marushanwa yo kuri uyu mugabane.

Uyu yazanye n’ikipe y’igihugu cye  ari kumwe na Aron Debretsion ufite uburambe mu masiganwa yo muri Afrika.

Umunyarwanda Areruya Joseph nawe ari mubo abantu bahanze amaso kuko ariwe uherutse kutwara riya rushanwa .

Kuri uyu wa kabiri abasiganwa barahaguruka mu mujyi wa Franceville berekeza Okondja bakore kilometero 170 ahantu harambuye.

Uko abakinnyi 5 bakurikirana nyuma y’agace ka mbere ku rutonde rusange:

1.Bonifazio Niccolo (Directe Energy/Italy):  2h43’13’

2.Tesfom Sirak (Eritrea National Team): 2h43’15”

3.Munyaneza Didier (Rwanda National Team): 2h43’16”

4.Manzin Lorrenzo (Vital Concept B&B Hotels): 2h43’17”

5.Andre Greipel (Team Arkea Samsic/Germany):2h43’19”

Imyanya abandi banyarwanda  bajeho:

16 .Uwizeyimana Bonaventure :2h43’23’’

21.Uwizeye Jean Claude: 2h43’23’’

22.Areruya Joseph: 2h43’23’’

33.Nkurunziza Yves: 2h43’23’’

38.Mugisha Samuel: 2h43’23’’

351 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.