Marina mu ndirimbo ye nshya ‘Worokoso’ yakoreye i Burayi yumvikanye yiyama abamuvuga nabi-VIDEO

Umuhanzikazi Ingabire Deborah uzwi nka Marina amaze gusohora indirimbo nshya yakoreye ku mugabane w’u Burayi. Biragaragara ko amashusho yayo yafashwe na Julien (Bm Jizzo) umenyerewe muri Diaspora. Marina yikomye abamwiha, bose ababwira ko abaho uko abishaka.

Marina w’i Rwamagana wahiriwe n’urugendo rwa muzika, iyi weekend yiyongereye ku bandi bahanzi bari gufasha abakunzi b’umuziki kuruhuka no gususuruka biyumvira indirimbo, abahereza indirimbo ”Worokoso”. Ni indirimbo itangira harimo abanyamakuru bavuga mu rurimi rw’icyongereza ko Marina w’umunyarwanda uyu munsi yitabye ubutabera.

Marina yamaze gushyira hanze indirimbo nshya yise ‘Worokoso’

Ni amashusho agaragaramo inkuru yigeze kuvugwa kuri uyu muhanzikazi igira iti: ”Ngiyi imyitwarire idahwitse yatumye Marina ahagarikwa mu bitaramo bya Tour du Rwanda”. Aya mashusho, Marina yayafatiye i Burayi mu Bubiligi nk’uko InyaRwanda.com yabitangarijwe na Gahunzire Aristide ureberera inyungu za The Mane umuhanzikazi Marina abarizwamo.

Ni indirimbo Marina yiririmbiramo ko “Arya abana na ba se, ngo nta we utazi ibye sha…”  hari aho aririmba ati ”Bra bra nta cyo zimbwiye njye mbaho uko mbyumba usibe kunkoraho”. Indirimbo ”Worokoso” ifite iminota 3 n’amasegonda 7. Yakozwe na HolyBeat mu buryo bw’amajwi naho amashusho ashyirwaho ikiganza na Julien Bm Jizzo uri gukorera ku mugabane w’u Burayi.

REBA HANO INDIRIMBO NSHYA ‘WOROKOSO’ YA MARINA

1,862 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Dev Manager

Leave a Reply

Your email address will not be published.