Miley Cyrus yakoze ubukwe n’umusore bamaranye imyaka 10 bakundana

Umuhanzi Miley Cyrus yarushinze n’umukunzi we Liam Hemsworth mu birori byitabiriwe n’inshuti za hafi n’abo mu miryango yabo gusa.

Amafoto y’ubukwe bw’ibi byamamare yatangiye gusakara ku mbuga nkoranyambaga guhera ku wa Mbere, tariki 24 Ukuboza 2018, ariko Miley Cyrus yemeza ayo makuru kuri uyu wa Gatatu, ashimangira ko bakoze ibyo birori mu mpera z’icyumweru gishize.

Mu batashye ubukwe bwa Miley Cyrus byari byavuzwe ko bubera i Bryon Bay muri Australia harimo ababyeyi be Tish Cyrus na Billy Ray Cyrus. Mu mafoto uyu mukobwa yasohoye y’ibi birori hari iyo yanditseho ko barushinze ku itariki 23 Ukuboza 2018.

Indi ibagaragaza basomana byimbitse yayanditseho ati “Uku gushobora kuba ari nko gusomana kwacu ku nshuro ya miliyoni,” arongera ati “Nyuma y’imyaka icumi…,” bisa nko kubara inkuru y’urukundo rwe na Liam Hemsworth mu magambo make. Umusore we yasohoye imwe gusa avuga ko uyu muhanzi ari urukundo rwe.

Uyu muhanzi w’imyaka 26 na fiancé w’imyaka 28 we ukomoka muri Australia bagiranye urukundo mu gihe kinini nubwo hari ubwo bashwanaga ariko bakongera gusubirana. Yamwambitse impeta y’urukundo bwa mbere muri Kamena 2012.

Aba bombi barushinze nyuma yo kumarana imyaka itatu yindi kuko biyunze mu 2015 nyuma yo kumara igihe kirekire baratandukanye mu rukundo ndetse bakanyuzamo bakagenda bakundana n’abandi bantu batandukanye.

Liam ugiye wegukanye Miley Cyrus ni umuvandimwe wa Chris Hemsworth na we uba muri Bryon Bay n’umugore we witwa Elsa Pataky n’abana batatu babyaranye.

Mu minsi ishize ubwo urugo rwabo i Malibu rwafatwaga n’inkongi y’umuriro rugakongoka, Miley Cyrus yahishuye ko gutakaza inzu yabanagamo n’uyu mukunzi we muri yari ihagaze akayabo ka miliyoni $2.525 byarushijeho kubegeranya aho kubatandukanya.

Yavuze yamubereye umuntu ukomeye mu kurokoka iyo nkongi, ati “Ntabwo nigeze mukunda birenze ku bw’icyo gihe.”

Aba bombi bafitanye amateka akomeye mu rukundo kuko bahuye bwa mbere mu 2009 ubwo bafatanaga amashusho ya filime yitwa ’The Last Song’ ariko bakaza kwemeza ikibatsi cy’urukundo hagati yabo ubwo batambukanaga ku itapi itukura mu birori.


401 total views, 1 views today

Facebook Comments
Share Button

Subscribe now

k

auto ads

Recommended For You

About the Author: SHUMBUSHO Josue

Leave a Reply

Your email address will not be published.