Miss Mutesi jolly yahishuye ko Sugira ari mwene wabo, naho Umuhanzikazi Noella izere amusaba ko basambana akamutera inda

Nyuma yo gutsinda igitego cyahesheje cyahesheje ikipe y’igihugu Amavubi kujya muri ¼ cy’irushanwa rya CHAN 2020 Ernest akomeje gushimwa na benshi ku mbuga nkoranyabambaga.

Mu ijoro ryo kuri uyu kabiri tariki 26 Mutarama 2021, nibwo ikipe y’igihugu y’u Rwanda, Amavubi yatsinze Ikipe y’igihugu ya Togo ibitego bitatu kuri bibiri, bituma ibona itike yo kujya muri 1/4  cy’irushanwa.

Togo ni yo yabanje gufungura amazamu maze Niyonzima Olivier Sefu arishyura, Togo yongeye gutsinda igitego cya kabiri ariko Tuyisenge Jacques aza kwishyura ndetse Sugira Ernest winjiyemo asimbuye aza gushyiramo icya gatatu cy’intsinzi.

Iyi ntsinzi yashimishije bikomeye abanyarwanda bari bayinyotewe, ku buryo hari abananiwe kwifata bakajya mu mihanda n’ubwo ayo masaha bitari byemewe.

Abakoresha imbuga nkoranyambaga nabo bakomeje gushimagiza abasore b’Amavubi ariko by’umwihariko baravuga imyato Sugira Ernest watsinze igitego cyarokoye u Rwanda.

Umuhanzikazi Noella Izere abinyujije kuri Twitter yatunguranye asaba Sugira Ernest ko yazamutera inda akazirerera umwana.

Uwabaye Nyampinga w’u Rwanda mu 2016, Mutesi Jolly na we yagaragaje ibyishimo bidasanzwe, mu gutebya avuga ko afitanye isano na Sugira Ernest

Ati “ Nyogokuru yigize kumbwira ko nyirakuru witabye Imana yari umuvandimwe wa nyirakuruza wa Sugira Ernest. Birasobanutse ko mfitanye isano na Sugira Ernest. Ushobora kumushimira nkazageza ubutumwa umunsi tuzaba twahuye nk’umuryango.”

Mu bundi butumwa yashyize kuri Twitter akaza kubusiba nyuma, Mutesi Jolly yari yavuze ko agabiye inka Sugira nko kumushimira ubutwari yagaragaje ku mukino wo kuri uyu mugoroba.

Abandi bantu bakomeje gutera urwenya ku mbuga nkoranyambaga bavuga ko “Sugira ari we munyarwanda wa mbere ukuyeho gahunda ya guma mu rugo bidasabye inama y’Abaminisitiri”

3,478 total views, 1 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published.