Miss Rwanda 2021: Abakobwa batatu bahataniye ikamba ry’uhiga abandi mu mpano uzatsinda azahabwa 1.800.000 Frw (Amafoto)

Irushanwa rya Miss Rwanda 2021 riri kugana ku musozo, hasigaye iminsi ibarirwa ku ntoki amakamba atandukanye ari guhatanirwa akambikwa ba nyirayo.

Kugeza ubu hamaze gutangazwa abakobwa batatu bahatanira ikamba ry’umukobwa uhiga abandi mu kugira impano zikomeye.

Abakobwa batatu batoranyijwe nyuma y’amarushanwa yo kugaragaza impano yabaye ku wa Kabiri tariki 16 Werurwe 2021.

Mu mugoroba wo kumurika impano z’aba bakobwa, buri wese yahawe umwanya agaragaza icyo ashoboye. Abagize akanama nkemurampaka batoranya batatu ba mbere bazahatanira ikamba ry’uhiga abandi.

Abakobwa batatu batoranyijwe ni Umutoniwase Sandrine ufite impano yo gushushanya (Painting), Akaliza Amanda ufite impano yo kuririmba (Singing) na Ingabire Grace ufite impano yo kubyina (Contemporary Dance).

Aba bakobwa bazatoranywamo uwegukana ikamba riri ku rutonde rw’azatangwa ku munsi wa nyuma w’irushanwa.

Umukobwa uzegukana iri kamba byitezwe ko azahabwa 1.800.000 Frw azatangwa na HDI Rwanda.

Umukobwa uzegukana iri kamba azamenyekana ku wa Gatandatu tariki 20 Werurwe 2021 ubwo hazaba hatangazwa Nyampinga w’u Rwanda 2021.

Ni ibirori byitezwe ko bizabera mu Intare Arena ariko binatambuke kuri KC2, televiziyo imaze iminsi yerekena ibirori bya Miss Rwanda.

Umutoniwase Sandrine yagaragaje impano yo gushushanya

Ingabire Grace afite impano yo kubyina (Contemporary Dance)

Akaliza Amanda afite impano yo kuririmba

807 total views, 2 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published.