Niba uri umusore ukaba ufite gahunda yo kurushinga uyu mukobwa ntutume agucika

Umwamikazi wa Afurika, Faustina Chalres wamamaye nka Nandy ubu ari ku rutonde rw’abahanzi bahagaze neza muri Afurika akaba ayoboye bagenzi be bo mu Burasirazuba bwa Afurika abikesha ijwi ryiza, uburanga no gukora cyane. Ku myaka 28 yamaze kwifatira bugwate abafana be ndetse ari guhindura ishusho y’umuziki wari umenyerewe.

Nandy yagize ati: “Ntababeshye urukundo rw’abafana ni rwo nkesha gukora cyane kandi sinzabatenguha ngo mbicishe irungu’’. Nandy afite ubuhanga bwihariye mu kuririmba ijwi rikurura abantu benshi bakunda umuziki wa Bongo Flava. Asobanura ko atajya afata umwanya munini muri studio ahubwo afata ibyumweru akaba ari hamwe n’abatunganya indirimbo batandukanye kuko akunda kwiha umwanya n’amahoro.

Nandy amaze imyaka 10 mu muziki

Nandy ubu ni nimero ya mbere mu muziki wa Tanzania

Uburanga n’ijwi rihogoza ni bimwe bimufasha kwigwizaho abafana

N’ubwo amaze imyaka 10 akora umuziki yamaze igihe kirerekira ari umuhanzi urwana no kuzamuka byaranze kugeza ubwo yatsindaga irushanwa ryategurwaga n’imwe muri sosiyete zicuruza amatelefonihari. Mu 2015/2016 ni bwo yabashije gutsinda noneho atangira urugendo rwo kwamamara. 

Icyo gihe rero atsinda yahise ahabwa abagomba kumutoza kuririmba barimo Bien Aime wo muri Sauti Sol, Yemi Alade, Chocolate City’s na M.I Abaga. Kuva icyo gihe yafatiyeho akora indirimbo zirakundwa ndetse yiyemeza kutazadohoka. Yabwiye abafana be ati: “Nandy mu myaka ibiri iri imbere mumwitege azabaha indirimbo nziza kandi ziri ku rwego mpuzamahanga”.

Angelique Kidjo ni we areberaho byose

Uyu Kidjo ni umwe mu bahanzi bafatwa nk’ikitegererezo ku bahanzi benshi bakizamuka mu muziki w’afurika bitewe n’uko yageze ku bihembo mpuzamahanga bitandukanye. Nandy na we amubona nk’uwo kwigiraho. Ati: “Kidjo ni we muhanzi wa mbere wahiriwe n’umuziki muri Afurika ni we nigiraho byose nanifuza kuzakorana na we indirimbo’’.

Nandy amaze kwigwizaho ibihembo bimutandukanya n’abandi bahanzi mu Burasirazuba bw’Afurika.

Nandy yatwaye All Africa Music Awards nka best female artiste muri Afurika y’iburasirazuba mu 2017 yongera kugitwara mu 2020. Mu bihembo bitangirwaga muri Amerika bya AEAUSA(Africa Entertainment Awards, USA) Nandy, ni we watwaye igihembo cy’umugore wahize abanda bahanzi muri Afurika yose mu 2020. 

Kuri ubu bisobanuye ko ari we nimero ya mbere mu muziki w’Afurika. Akimara gutwara icyo gihembo yasobanuye ko ari intambwe ishimishije agezeho ariko hakiri ibindi byinshi yifuza kwegukana birimo Grammy Awards no kuzaririmbira mu nzu nini iberemo ibirori mu Bwongereza ikaba yitwa The 02 Arena iba mu Mujyi wa London.

Icyorezo cyakomye mu nkokora imishinga ye yo kuzenguruka Isi.

Ikinyamakuru The Standard Medi.co.ke cyanditse ko mbere ya Covid-19 Nandy yari afite gahunda yo gukorana indirimbo na Tanasha Dona umunyakenya mwiza wanabyaranye na Diamond Platnumz, ndetse Nandy yari kuzenguruka isi akora ibitaramo ariko byose byaje guhagarara. 

N’ubwo uwo mwaka wamubereye mubi ariko anavuga ko ari cyo gihe yabashije gukora ibintu Atari kuzigera akora mu buzima bwe kuko yakozemo indirimbo ziramamara cyane. Nandy nubwo muri Tanzania nta guma mu rugo yahabaye yabashije kuba ku rutonde rw’abahanzi bafashije Perezida Magufuli kwiyamamaza. Ati:’’Yego nahagaritse ibitaramo nari mfite i Burayi no muri Amerika ariko naririmbye 90% mu bikorwa byo kwamamaza Perezida Magufuli’’.

Nandy nta mukunzi afite

Umuntu wese ufite ibyo yifuzaga kugeraho mu buzima bwe ikiba gisigaye ni ugushaka uwo basangira umunezero wo mu buriri. Nandy yagiye avugwaho ibihuha byo kuba yaba ari mu Rukundo na Bill Nas na we akaba ari umuhanzi ariko yagiye abihakana cyane. Ati: “Bill Nas ni umuhanzi nakange twakoranye indirimbo zirimo Bugana na Do Me ni byiza’’. Yongeraho ko bahuzwa n’umuziki kuko nta bintu by’urukundo biri hagati yabo.

Nandy yakoranye n’abahanzi bakomeye muri Tanzania barimo Ali kiba na Harmonize ariko yifuza rimwe kuzagirirwa ubuntu agakorana na Diamond Platnumz. Mu myaka ibiri ishize yagowe cyane no guhora ku isonga akora ubutaruhuka. Ati: “Murabizi guhora ku isonga icyo bisaba ni ugukora ubutaruhuka ariko nahuye n’ibibazo ubwo naburaga umukunzi wanjye byanciye intege kuko ni we wamfashije byinshi ubwo ninjiraga mu muziki, roho iruhukire mu mahoro’’. 

Akomeza asobanura ko nta kundi byari kugenda usibye kwemera ugushaka kw’Imana ikisubiza ubugingo bw’uwo mukunzi we. Faustina Chalres wamamaye nka Nandy avuga ko icyorezo cyabaye ikibazo ku bikorwa bye kuko byose byarahagaze ibyo yari yateganyije birimo kuzenguruka isi. Nandy yakoze indirimbo zirakundwa zirimo Ninogeshe, Do Me, Na Nusu, Acha Lizame na Dozi. Ni zo zamushyize ku ruhando mpuzamahanga zimuhesha ibihembo bitandukanye.

1,909 total views, 1 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published.