Perezida Museveni yakiriye mu Biro bye Miss Uganda Amusaba gukuraho Imisatsi y’imiterano(Plante)

Perezida Yoweri Museveni yaraye yakiriye mu biro bye Nyampinga wa Uganda wakoze amateka mu irushanwa rya Miss World, yamushimye ariko agaya imisatsi y’imigurano yishyizeho.

Quiin Abenakyo yageze muri Uganda ku gicamunsi cyo kuri uyu wa Gatatu tariki ya 19 Ukuboza 2019.

Yari avuye mu Bushinwa guhatana muri Miss World, yakoze amateka akomeye kuva iki gihugu cyabaho aboneka mu bakobwa batanu ba mbere ndetse ahabwa ikamba rya Nyampinga w’Isi ku Mugabane wa Afurika.

Ku mugoroba wo kuri uyu wa Gatatu, Miss Quiin Abenakyo yasuye Perezida Museveni mu biro bye biri Entebbe. Umukuru w’Igihugu yashimye uburyo Abenakyo yitwaye muri Miss World akazamura ibendera rya Uganda.

Yagize ati “Umwuzukuru Quiin Abenakyo , usanzwe ari Nyampinga wa Uganda uherutse no kwambikwa ikamba rya Miss World Africa, kuri uyu mugoroba yansuye mu biro Entebbe.”

Yongeraho ati “Ndamushimiye kuri ibi bihembo no kuba aherutse kurangiza kaminuza. Ni igisobanuro nyacyo cy’umukobwa ufite ubwiza n’ubumenyi […] Nshimiye ababyeyi bareze neza Abenakyo, yakuranye indangagaciro. Abenshi mu rubyiruko bishora mu mico mibi bakangiza ubuzima bwabo, nyamara bihanganye bakiga bakarangiza byabaha umusingi mwiza wo kuzabaho neza no kubana n’abagabo babo.”

Perezida Museveni kandi yashimangiye ko Nyampinga wa Uganda ari umukobwa mwiza wo mu bwoko bw’Abasoga ariko kandi agaya kuba yarishyizeho imisatsi y’Abahinde.

Yagize ati “Abenakyo ni umukobwa muremure, ni umukobwa mwiza w’Umusoga. Gusa, icyo nahise mbona ni uko yishyizeho imisatsi y’Abahinde. Namubwiye ko akwiye gukomera ku bwiza bwe karemano, akagira umusatsi w’Abanyafurika. Tugomba kwerekana ubwiza nyafurika uko buri.”

Yemereye Miss Abenakyo ko leta izamufasha mu mishanga ye yose.

Kuri uyu wa Kane tariki ya 20 Ukuboza 2018, hateguwe igitaramo gikomeye cyo guha ikaze Miss Quiin Abenakyo, kizabera muri Sheraton Kampala Hotel.

Incamake kuri Quiin Abenakyo

Abenakyo, ni we Nyampinga wa Uganda mu 2018. Aherutse kubona impamyabumenyi yakuye muri Kaminuza ya Makerere, yigaga mu ishami ry’ubucuruzi mu gashami k’iyi kaminuza kari muri Nakawa.

Uyu mukobwa w’imyaka 22, akomoka ahitwa Mayuge District mu Burasirazuba bwa Uganda. Yavutse muri Gashyantare 1996, se ni Umugande witwa Charles Sembera na nyina Alice Kyamulesire ukomoka muri Mayunge district.

Yatorewe kuba Nyampinga wa Uganda ku itariki ya 10 Kanama 2018 mu birori byabereye muri Kampala Sheraton mbere y’uko ajya muri Miss World mu Bushinwa.

385 total views, 1 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published.