Police yiyambaje Bruce Melodie ngo azaririmbe mugitaramo cyo kurwanya gutwara wasinze

Polisi y’u Rwanda yateguye igitaramo cyo gukangurira abantu kwirinda impanuka zo mu muhanda, aho umuhanzi Bruce Melody, azataramira abazacyitabira.

Kuva ku cyumweru Polisi irimo gukora ubukangurambaga bwo kwibutsa abantu kwirinda kunywa ibisindisha batwaye ibinyabiziga, iki gitaramo kizabera muri stade ya IPRC Kicukiro, kikaba kiri muri ubu bukangurambaga.

Iki gitaramo kizaba kuri uyu wa Gatanu tariki 23 Ugushyingo 2018, Saa Munani z’amanywa, kwinjira bikazaba ari ubuntu kuri buri wese.

Abahanzi batandukanye n’abandi bazwi cyane mu myidagaduro mu Rwanda bazaba bari muri iki gitaramo gusa umuhanzi wamaze gutangazwa uzaririmba ni Bruce Melody.

Ku rubuga rwa Polisi y’u Rwanda rwa Twitter banditse bavuga ko ‘Mu rwego rwo gukomeza gushishikariza abantu gusigasira umutekano wo mu muhanda, yateguye igitaramo cyo kubakangurira kugira amakenga bakirinda kunywa inzoga batwaye ibinyabiziga’

Bruce Melody azaririmba mu gitaramo cyo gukangurira abantu kwirinda impanuka zo mu muhanda

 720 total views,  2 views today

Facebook Comments
Share Button

k

auto ads

Recommended For You

About the Author: kalisa john

Leave a Reply

Your email address will not be published. Required fields are marked *