Prosper Nkomezi ngo Aba-Slay Queens arabumva ariko ntazi icyo bakora

Umuhanzi w’indirimbo zo kuramya no guhimbaza Imana, Prosper Nkomezi avuga ko ibyerekeye aba Slay Queens abyumva ariko atazi icyo abakobwa biyita cyangwa bitwa gutya, bakora.

Mu kiganiro kihariye yagiranye n’Umuseke, Prosper Nkomezi yagarutse kuri byinshi birimo n’ubumenyi rusange ndetse na bimwe mu biteye amatsiko kuri we.

Umunyamakuru yamubajije niba yaba azi abantu bitwa aba Slay Queens, ahita akubita agatwenge ati “Ndabumva uretse ko nta makuru ahagije mbafiteho.”

Yakomeje agira ati “Ni uko mbyumva mbibona mu itangazamakuru, sinzi ngo bakora iki…”

Uyoboye iki kiganiro yamusabye kugenekerezo icyo akeka bariya bantu baba bakora, asubiza aseka agira ati “Ngereranyije naza kwibeshya nkabavuga uko batari twazahura bakantera amabuye.”

Indirimbo z’Isi ngo zirimo kubeshya kwinshi

Uyu muhanzi ufite indirimbo nyinshi zirimo ibasha gukora, humura, singitinya urarinzwe, nzayivuga n’izindi zagiye zikundwa, avuga ko adakunda kumva indirimbo zisanzwe [bakunze kwita iz’Isi] kuko ziba zuzuyemo amakabyankuru.

Ati “Ntabwo njya nzumva cyane gusa mba numva harimo kubeshya kwinshi mu butumwa batanga,…kuvuga ngo umuntu agupfira undi kandi ntawe ndabona uretse Imana ni yo yapfiriye abantu, ngo uraryama ntubone ibitotsi, mba numva babeshya cyane.”

Icyakora ngo hari indirimbo z’abaraperi ziba zirimo ubutumwa bwiza nk’iya Amag The Black yise Umuntu, “Uba wumva nyine rimwe na rimwe harimo ukuri.”

Prosper Nkomezi watangiye asengera mu itorero ry’a ADEPR, ubu ni umukristu muri Zion Temple yabatirijwemo muri  2013.

Nkomezi w’imyaka 24 y’amavuko, yavukiye muri Repubulika Iharanira Demokarasi ya congo, ni umwaa wo mu muryango w’abakristu kuko se ari umupasiteri.

Nkomezi uririmba Gospel ngo iby’aba Slay Queens arabumva ariko ntazi icyo bakora

799 total views, 4 views today

Facebook Comments
Share Button

Subscribe now

k

auto ads

Recommended For You

About the Author: Dev Manager

Leave a Reply

Your email address will not be published.