Rwatubyaye yagiye mw’igeragezwa ku mugabane w’iburayi

Myugariro Abdul Rwatubyaye yerekeje ku mugabane w’u Burayi gutangira akazi muri FK Shkupi yo muri Macédoine mu gihe iyi kipe ikiri mu biganiro na Rayon Sports yari afitiye amasezerano.

Abdul Rwatubyaye yagerageje kujya gukina hanze inshuro ebyiri ntibyamuhira. Mu 2013 yagiye mu Bufaransa naho mu 2016 ajya muri Slovaquie.

Uyu myugariro w’imyaka 23 wari umaze imyaka ibiri n’igice muri Rayon Sports yamaze kumvikana na FK Shkupi iri ku mwanya wa gatanu ku rutonde rwa shampiyona ya Macédoine. Yahagurutse mu Rwanda ku mugoroba wo kuri uyu wa Kane tariki 17 Mutarama 2019.

Rwatubyaye yadutangarije ko mbere yo kujya muri Macédoine yabanje kunyura muri Turikiya.

Ati “Ikipe yanjye ifite umwiherero witegura imikino ya shampiyona muri Turikiya, niho mbanje kwerekeza aho dufite imikino ya gicuti ya ‘Pre-season’. Ntabwo ari igeragezwa kuko ikipe twamaze kumvikana. Hari ibiganiro bikomeje hagati ya FK Shkupi na Rayon Sports kandi Imana nibimfashamo buri kimwe kizagenda neza.”

Uyu mukinnyi bivugwa ko ikipe imwifuza iri guha Rayon Sports ibihumbi 40 by’amadolari ariko yo ikaba yifuza ibihumbi 70 kuko Rwatubyaye yari afite amasezerano azarangira mu mpeshyi ya 2020.

Iyi FK Shkupi si ikipe ifite ibigwi n’amateka bikomeye kuko yashinzwe mu 2012. Yakirira imikino yayo kuri Čair Stadium yakira abantu ibihumbi 6000.

Bishobotse Rwatubyaye agasinyira iyi kipe yaba abaye Umunya-Afurika wa gatatu ifite nyuma ya Abdulkadir Zango ukomoka muri Nigeria n’umunya-Mali, Maharafa Tandina.

462 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.